EraaSoft

كل رحلة حلوة لازم يكون ليها نهاية تستحق تعبها

والنهارده إحنا بنحتفل بتخرج جروب من ألطف وأشطر جروبات Back End .NET في Eraa Soft ❤️

ناس بدأت بخطوة، وكملت بإصرار، وتعبت، وسألت، وجربت، وغلطت، وصلحت، لحد ما وصلت لمرحلة نفتخر بيها كلنا.

الجميل في كل جروب مش بس إنهم اتعلموا كود
الجميل إن بيكون بينهم روح حلوة، تعاون، ضحك، دعم، وطاقة تخلي أي رحلة تعليمية أخف وأجمل.

مبروك لكل واحد فيكم على التخرج
ومبروك علينا إننا كنا جزء من رحلتكم 🤍

لسه الطريق طويل، بس البداية القوية دي تقول إن اللي جاي هيبقى أحلى وأكبر بإذن الله.

Eraa Soft فخورة بيكم جدًا
وشوفناكم قريبًا في نجاحات أكبر يا Developers المستقبل 🥰

يعني إيه API

تخيّل إنك داخل مطعم وعايز تطلب أكلة

أنت بتقول طلبك للجرسون والجرسون بينقله للمطبخ وبعدها بيرجعلك بالأكلة

الجرسون هنا هو الـ API

ببساطة الـ API هو الوسيط اللي بيسمح لبرنامج إنه يطلب بيانات أو خدمة من برنامج تاني ويرجعله بالنتيجة

لما تسجل دخول بحساب جوجل أو تشوف حالة الطقس أو تدفع أونلاين فغالبًا فيه API شغال في الخلفية عشان ينقل البيانات بين الأنظمة المختلفة

استنونا في جزء تاني وهنقولكم ليه الـ API بقى جزء أساسي من أي موقع أو تطبيق بنستخدمه النهارده

قولنا كنت عارف يعني إيه API قبل كده ولا دي أول مرة تسمع عنه؟