SMayer

ذا حسيت روحك بديت تميل للوحدة باختيار منك و رد فعلك ولى فيه نوع من البرود مهما كانت الحاجة...
وليت تختار في الناس الي دايرين بيك بالكعبة و بديت تخمم انك تركز على روحك و تدخل تترانا و تبدى تصلي تبعد على للفساد و تتجنب في المشاكل بعد ما عملتهم لكل...
مبروك عليك جحيم الوعي اعمل فولوا و مرحبا بيك بحذانا 💀🤍

نعمة كبيرة اذا عندك منها 🤍

من اروع النعم و ابنها و اعظمها هي انو ما يكونش عندك طبع الفضول و التنسنيس ، لا تهمك حياة الناس و لا تفاصيلها ، و لا مهوس بالاخبار و لا بالفضائح و لا بالاسرار...
بعيد على القيل و القال ما عندكش حتى رغبة باش تلوج على حياة غيرك...
نعمة كبيرة انك تركز على حياتك و يكون همك الوحيد كيفاش تكون احسن من روحك ، كيفاش تطور من روحك تبني روحك و عالمك الخاص تفرح بلي عندك و تركز كان في الي يخصك فقط مخلي الخلق للخالق ، انت في نعمة كبيرة و راحة و طمأنينة ♥️

علاش ساعات تلقى انسان الدنيا و كأنها مسكرة في وجهو ؟

ربي يقول:
" لا يكلف الله نفسا الا وسعها"

في معنى آخر بعيد علي نعرفوه أنو الله ما يحملش انسان اكثر من طاقتوا ، فما مفهوم آخر للوسع و سعة النفس ، بمعنى انو نفسك ضيقه ما تحلمش ما تأمنش ما تتفائلش بالخير ديما مسكرها و تنفخ و ملا عيشه و موش عاجبك شي ناقم على روحك على الناس على الدنيا.. تحسد ما تحبش الخير لغيرك تكره تحسب تحس بالنقص كغيرك يفرح و الا ينجح... نفسك ما عندهاش الوسع الكافي باش تستقبل الخير و النجاح طاقتك ياسر سلبية ، وسع يوسع عليك ربي يقلك...

كيف توصل لمرحلة مستعد انك تستقبل اكالخير و الحاجات الي باش تفرح بيها تو الدنيا تتحركلك ، ما يجيش تاخذ ساشي متع 200 مليم و تحب تعبي فيها الخضرة الكل و الغله و اللحم و الدنيا الكل ، يلزمك حاجة اكبر ساك واسع ، كيف كيف نفسك اكاكا ، وسع و استحفظ علاها من الحسد و البغض و الشر خاطر الوسع وحدوا ما يكفيش اذا فما فويت تقطيعة كذا...

و تعلم تلهي في روحك و ركز على روحك في عوض لاهي بالناس
خوذ بالاسباب تحرك صفي قلبك توكل على ربي و سكر وذنك و ربي يجيبنا في الصواب الكل 🤍

ساعات تلقى ناس متغشين عليك ... انت ما فيبالكش الي هوما موجودين في الحياة اصلا 👀🙄

انا واحد من الناس كنت ماشي فيبالي الي الزواج هو نتيجة للحب و انو الهدف من الزواج هو تكوين عايلة و التكاثر و الابتعاد عن الحرام و تقاسم الادوار و المسؤوليات و هات من هاكلاوي كيما الناس الكل...
لكن بعد اكتشفت انو هذا الكل غالط لا الزواج نتيجة الحب و لا الاهداف هذي صحيحة ، تقلي كيفاش خويا ؟
:ايجا شوف معايا الآية هذي
وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ
لنا نفهموا الي الهدف من الزواج هو السكينة ، السكينة الي هي الراحة النفسية و الطمأنينة و الاستقرار ، الرحمة و المودة ، امان من كل العالم و من كل الناس و من التعب و الجهد و المشاكل بدوووون مقابل ، عطاء بدون حسابات و ما غير كريدي...
هذي هي الفطرة السليمة ، هذا هو الصحيح ،فالاعتقادات الغالطة الي كبرنا عليها و البرامج الي فسدولنا بيها مخاخنا و خربوا بيها
العايلة و دمروا مفهوم الزواج خلات من مفهوم الزواج كان ليلة الدخلة
على هذاكا حاول تختار انسان تنجم تهربلوا و ربي يرزقكم بالزوجة و الزوج الصالح 🤍

احسن حل للناس الي تحب ديما تلعب دور الضحية
و الناس الي تعديلك يوميا في طاقة سلبية و الناس الي تاخذ و ما تعطيش و الناس تحب تستهلكلك هو انك تبعد عليهم و تاخذ مسافة امان
و تكمل ثنيتك وحدك...
و تفكر ديما الي صحتك و نفسيتك و اهدافك و خدمتك اهم من اي حاجة اخرى ،خاطر كيف تطيح لا قدر الله باش تلقى كان عايلتك وروحك مادتلك يدها