Aly Sayed

سقوط عميل الموساد 🔥🔥

متحاوليش بحبك برضه ♥️😍🤷

انتظروني انا مش جااي 😂

*لينك الحلقة اول تعليق

☢️ في اللحظة ديه دلوقتي في كارثة بتحصل وهي ان سنترال رمسيس المركزي بيولع وده فيه كابلات رئيسية للانترنت والخطوط الارضية وشبكات الاتصالات بتغذي الجمهورية كلها

خلينا نفهم ايه التفاصيل عشان تهم كل واحد فينا

🔴 من شوية حصل حريق واسع في سنترال رمسيس في الطابق السابع بدون اي اسباب واضحة وبعد كده توسع لدرجة ان الحماية المدنية مش قادرة تسيطر على الحريق لحد اللحظة ديه وحصل تضرر واسع في منظومة الاتصالات والانترنت والمحافظ الالكترونية على مستوى الجمهورية لان سنترال رمسيس هو سنترال مركزي فيه كابلات وشبكات بتغذي كامل الجمهورية وفيه كابلات دولية وفيه محور ربط رئيسي بين الكابلات المحلية والدوليه

حاليا شبكات فودافون واتصالات واورانج فيها انقطاع واسع على مستوى اغلب الجمهورية وفي تضرر كمان لشبكات وي مع انقطاع للخط الارضي والانترنت المنزلي في معظم الجمهوريه

☢️ حتى ارقام الشورت لاين اللي تخص النجدة والحماية المدنية وغيره مش بتجمع وفي حالة انقطاع تام ومحاولات الاتصال مش بتجمع لان في كابلات في السنترال حصل لها تلف من الحريق

نشوف ايه اللي هيحصل الساعات الجاية لان لو محصلتش سيطرة على الحريق فالوضع مش هيكون كويس فانتمنى ان يتم السيطرة على الحريق ده ويتدخل الجيش بطائرات الاطفاء اللي عندنا

تعديل اول: في بعض المناطق بالجمهورية بدأت الخدمة ترجع لها من تاني بشكل محدود

تعديل ثاني: الانقطاع في اغلب الجمهورية زيادة للتأكيد وفي مناطق معندهاش شبكات بس عندها انترنت منزلي وفي مناطق عندها انترنت منزلي بس مفيش شبكة وفي مناطق معندهاش الاتنين وفي مناطق لم تتأثر بالخدمه

تعديل ثالث: الناس اللي داخلة بتكذب اتفضل انت عندك الاخبار وروح تابع وهتشوف ان تم اصلا تخصيص مسارات بديلة وارقام بديلة لخدمات الاسعاف وغيره في المحافظات وغير ان المعاملات المالية واقفة وفي بعض المولات قفلت بسبب ده وكل واحد فيه عقل يفكر بيه

متنساش الشير عشان غيرك يعرف سبب انقطاع الشبكات والانترنت ده ان قادر يتصل بالانترنت بشكل جزئي وربنا يستر

#متقول