Fshati Rekë

Njoftim i dërguar nga një banor i Rekës

“Përshëndetje banorë të Rekës,

Dua t’ju informoj se malet tona në Shulla, vendi ku kemi qëndruar gjatë luftës, kanë filluar të priten nga persona të papërgjegjshëm. Ju ftoj që të mblidhemi dhe të gjejmë një zgjidhje të përbashkët për këtë problem.

Malet po na dëmtohen dhe po na vidhen nga njerëz të papërgjegjshëm. Të gjithë ne që kemi male në Shulla duhet të marrim masa sa më shpejt dhe ta zgjidhim këtë problem.

Këto janë male që na i kanë lënë të parët tanë dhe nuk duhet të lejojmë që ato të priten nga njerëz të huaj për shkak të mosinteresimit tonë.

Shulla nuk është vetëm një vend, por edhe pjesë e historisë sonë. Prandaj, është detyrë e secilit prej nesh ta mbrojmë.”

Shënim: Ky njoftim është dërguar nga një banor i fshatit dhe publikohet pa ndërhyrje në përmbajtje.