Dolzarb Aloqa

Bugun sizlar bilan bo’lishmoqchi bo’lgan hikoyamiz, o’z opasi tomonidan sotib yuborilmoqchi bo’lgan hamyurtimiz haqida.

Ta’jublanarli to’g’rimi? Bugungi qahramonimizning ismi Nargiz. U opasi bilan birga mehribonlik uyida tarbiyalangan. Qizlar katta bo'lishgach, Nargiz turmushga chiqib, farzandli bo’ldi. O’z oilasi bilan baxtli edi. Aniqrog’I turmush o’rtog’I ishsiz qolgunga qadar, hammasi yaxshi edi.

Nargizning opasi Vasila, bir necha yildan beri Turkiyada ishlardi. Opa-singillar telefon orqali aloqa qilib turishardi.

Nargizaning eri ishsiz qolganini esh*tgan Vasila, singlisiga Turkiyaga kelib ishalshni taklif qildi. Vasilaning ta’kidlashicha, u yerda ish topish imkoniyati ko‘p, puldan muammo bo’lmas ekan. Nargiz chiptaga puli yo’qligini tushuntirgach, opasi unga chipta pulini ham jo’natdi. Nargizning Tutrkiyaga ilk marotaba borishi? Shuning uchun u opasi bilan aeroportda uchrashishni kelishib oldi. Opasi Vasila ham unga aeroportda kutib olishga va o’z uyiga olib ketishga va’da berdi. Yahshi niyatlar bilan, Nargiz o’g’lini olib, opasining yoniga uchib ketdi.

Nargiz Turkiyaga uchib kelgach, aeroportda uni boshqa ayol kutib oldi. Opasining aytishicha, u shoshilinch ish bilan boshqa shaharga uchib ketibdi. Bu ayol Vasilayning bolalariga qarab turadigan enaga ekan. “Seni uyimizga olib boradi”, - deb Nargizni ishontirdi. Nargiz ham rozi bo’lib enaga bilan Vasilaning uyiga ketdi.

Uyga yetib borishgach enaga Nargizga: “Sen nima uchun kelganingni bilasan, to’g’rimi?”, deb gap boshladi. Nargiz vaziyat kutilmagandek tus olayotganinin payqab, turmush o’rtog’I bilan aloqaga chiqadi: “Meni bu yerda opam kutib olmadilar, enagasi esa meni foxishalik uchun kelganimni aytmoqda”, deb yig’laydi.

Shoshib qolgan Nargizning turmush o’rtog’I, qarindoshlarini ishga solib, ayoli va o’g’lini yurtiga qaytarish uchun yordam izlay boshlaydi. Bir qarindoshi internet orqali “ISTIQBOLLI AVLOD” RIAM telefon raqamini topib, markaz bilan bog’lanadi va bo’lgan voqeani tushuntiradi.

Bu orada Nargizni opasi uni, enagasi hazillashganini aytib, boshqa shaxarga chaqirib oladi. U yerda Nargiz vanihoyat opasi bilan uchrashadi. Vasila Nargizni bir mehmonhonaga olib boradi. U yerda Nargizni o’g’li bilan alohida honaga joylashtirib, o’zi Nargizning pasportini olib, eshikni qulflab ketadi. Opasi unga yaqinda mehmonlar kelishini va tayyor bo'lib turishini taynlaydi.

Shunda Nargiz, payt topib turmush o’rtog’i bilan aloqaga chiqqanida, qayerdlaigini va juda havotirdaligini tushuntiradi.

“ISTIQBOLLI AVLOD” RIAM jamoasi Nargizga yordam berish ishlarini boshlab yuborishgandi. O‘z navbatida markazning Rossiyadagi hamkori - “Alternativa” harakati ham ko'maklashishni boshlagandi. Ular tezda Nargiz uchun Istanbulga chipta olish uchun pul yig'ishga muvaffaq bo'lishadi. “ISTIQBOLLI AVLOD” RIAM jamoasi, O‘zbekiston huquq-tartibot idoralari orqali Turkiya politsiyasiga aloqaga chiqishadi va vaziyatni tushuntirishadi. Politsiya Nargizni topib, pasportini qaytarib olishga yordam berishadi va Nargizni Istambulga jo’natishadi.

Nargizga Turkiyadan O’zbekistonga yetib kelishi uchun yetrali mablag’ yigilgunga qadar, Nargiz bir necha kun Istambul aeroportida yashab turadi. Unga, Turkiyadagi hamkor tashkilotlarning ko’ngillilari oziq-ovqat bilan t’aminlab turishadi. Vanihoyat Nargiz O’zbekistonga uchib keladi.

Opasidan bunaqa munosabatni kutmagan Nargiz, “ISTIQBOLLI AVLOD” RIAM huquqshunoalari bilan uchrashadi va opasini javobgarlikka tortish maqsadida, ariza yozib qoldiradi.

Bu voqea, o’zga yurtga ketayotganingizda, eng yaqin va tanigan insoningizni yoniga ketayotgan bo’lasngiz ham, ogoh bo’lish va ketish oldi ehtiyot choralarini ko’rish kerakligini yana bir bor aks ettiradi.

Dolzarb aloqa raqamimizni eslatib o’tamiz: +998 95 143-94-94

Ҳар йили кўплаб ҳамюртларимиз ҳизмат ва ўқиш сафарларига кетишади, яна бир қанча юртдошларимиз кетиш юзасидан режалар тузишади.

Муҳожирликда юрар экансиз, ижтимоий ва ҳуқуҳий томонлама заиф бўлиб қолиш, оқибатда мажбурий меҳнат ва одам савдосидан жабр кўриш хавфи пайдо бўлади.

Ишлашга ёки ўқишга кетаетганлигингиздан қатъий назар, юзага келиши мумкин бўлган хавфлар, ҳамда кетаётган давлатингизда истиқомат қилиш қоидалари ҳақида батафсил билиб олишингизни маслаҳат берамиз.

Ўзга юртга кетишдан аввал, албатта сиз учун таёрлаган фойдали маслаҳатларимиз жамланган йўриқнома билан танишиб чиқишингизни тавсия қиламиз.


#ОдамСавдосиниТўхтатамиз

Telegram каналимизга қўшилинг: https://t.me/ChoyxonaNews