TSUL - Science and Innovation

📣Mavzu: Mehnat qonunchiligida vaqtinchalik xodimlarga mehnat ta’tili berish tartibini takomillashtirish.

👤Taklif muallifi: Raximberganova Bonu Davlatnazarovna

Taklifning qisqacha mazmuni:
🔸Vaqtinchalik xodimlarning ishlagan davri ikki oydan kam boʻlishini eʼtiborga olgan holda qoʻshimcha taʼtillarni qanday tartibda berilishi aniq koʻrsatilishi kerak;
🔸Vaqtinchalik xodimning mehnat shartnomasi bekor qilinganda ishdan boʻshatish nafaqasi toʻlanishi lozim;
🔸Vaqtinchalik xodimga kamida besh kunlik oʻrtacha oylik ish haqi miqdorida ishdan boʻshatish nafaqasi toʻlanishi masalasi qonunchilikda belgilanishi lozim.

Manba/batafsil: Yurist axborotnomasi.

Ixtisoslik shifri: 12.00.05 – Mehnat huquqi. Ijtimoiy taʼminot huquqi.

Kalit soʻzlar: Vaqtinchalik xodim, mehnat ta’tili, mehnat shartnomasi.

📣Mavzu: Aqli rasolikni istisno etmaydigan tarzda ruhiy holati buzilgan shaxsning javobgarlik masalalarini takomillashtirish.

Taklif muallifi: A.M.Mamajanov

Taklifning qisqacha mazmuni:
🔹Aqli rasolikni istisno etmaydigan tarzda ruhiy holati buzilgan shaxs jazoni o'tash davomida ambulator sharoitlarda psixiatr-vrachda majburiy davolanish va kuzatuvdan ashaddiy bo'yin tovlaganida sud jazoning o'talmagan qismini og'irroq jazo turi bilan almashtirishi lozim;
🔹“Aqli rasolikni istisno etmaydigan tarzda ruhiy holat buzilgan shaxs–jinoyat sodir etish vaqtida ruhiy holati buzilganligi tufayli o'z harakatlarining (harakatsizligining) ahamiyatini to'liq darajada anglay olmagan yoki ularni boshqara olmagan aqli raso shaxs” degan ta’rifni kiritish lozim;
🔹Jinoyat kodeksining 55-moddasi 1-qismini quyidagi yangi “k” bandi bilan to'ldirish lozim: “k) aqli rasolikni istisno etmaydigan tarzda ruhiy holati buzilgan shaxsning jinoyat sodir etishi”.

Manba/batafsil: Avtoreferati.

Kalit soʻzlar: Aqli raso, ruhiy holati, jazo.