EthioTimes

"ስንሰጥ በደስታ ይሁን" ብፁዕ አቡነ ዮሴፍ

ብፁዕ አቡነ ዮሴፍ የሲዳማ እና ጌዲዮ ሀገረ ስብከት ሊቀ ጳጳስ በመቄዶንያ የምስጋና እና ማዕድ ማጋራት ፕሮግራም ላይ ተገኝተዉ እንደተናገሩት መስጠት የሚጀምረዉ ራስን ከመስጠት ሲሆን ራሱን ለእግዚአብሔር የሰጠ ቁሳቁስ ወይም ገንዘብ ለመስጠት አይቸገርም፡፡

👉ስጦታ ከዉስጥ የመነጨ ፣ በሀይማኖት የፀና ፣ ርህራሄ የተሞላበት ፣ በመንፈሳዊነት የተቃኘ ፣ እንዲሁም የሌሎችን ችግር ፣ ህመም ፣ ረሀብ እና ጥም መጋራት ሲሆን ከዉስጥ የመነጨ ደስታን ይሰጠናል በማለት የመስጠትን ጥልቅ ሚስጥር ገልፀዉልናል፡፡

👉ብፁዕነታቸዉ ለመቄዶንያ ያደረጉት ድጋፍ ሊበረታታ የሚገባዉ አርዓያ እና አስተማሪ የሆነ ተግባር መሆኑን ገልፀዉ ሁላችንም ከዚህ መልካም ተግባር አርዓያነትን ወስደን የቻልነዉን ሁሉ ለመቄዶንያ ድጋፍ እናድርግ ፣ መቄዶንያን እናግዝ ብለዉናል!!

👉በመጨረሻም በዚህ የምስጋና እና የማዕድ ማጋራት ፕሮግራም ላይ በመገኘታቸዉ የተሰማቸዉን ጥልቅ የሆነ ደስታ ገልፀዋል!!

አትሌት ደራርቱ ቱሉ ልጇን ዳረች‼️

ጀግናዋ አትሌት ደራርቱ ቱሉ ወንድ ልጇን ተስፋዬ ፀጋውን ትናንት ድራለች ። የረዳት ኮሚሽነር ደራርቱ ቱሉ ልጅ
ኢንጅነር ተስፋዬ ፀጋው ከገብሬላ ተስፋዬ ጋር ነዉ የተሞሸረዉ።

ተስፋዬ ከአሜሪካው ፍሎሪዳ ዩኒቨርሲቲ በኢንጅነሪግ በከፍተኛ ማዕረግ የተመረቀ ሲሆን፤ ከተመረቀም በኋለ በኢትዮጵያ የረ/ኮ ደራርቱ ቱሉ ድርጅት ውስጥ ጠቅላላ ስራ አስኪጅ ሆኖ እንያገለገለ ይገኛል።

Via- maleda

የማያድን ፍቅር‼️
(ሙሉቃል እንደጻፈው)

"ሃገር እንዳይጠፋ ትውልድም ከጥፋት እንዲጠበቅ መመኘትና መጣር ምስጋናና ሽልማት የማይሻ የእያንዳንዳችን ግዴታ ነው። ነውር ቀስ በቀስ እንዳይላመደን ፣ በዘመናት ውስጥ እንደ ሃገር የተፀየፍነው ነውር ቀስ ብሎ እንዳይከበን በመጠንቀቃችን ውስጥ አንዳች ጥፋት የለም! ይህ ሁሉ ጥንቃቄና የእምነት አጥር ደሞ የስው ልጆችን ሁሉ ከጥፋት ለማዳን ነው!

በዚህ ምስኪን ልጅ ታሪክ ውስጥ ግን ሃገርና ትውልድን ከማዳን ቀና መንፈስ ይልቅ ይህ ነው ተብሎ የማይገለፅ የገንዘብ ፍቅርና የሰውን ልጅ ገንድሶ የመክበር ስግብግብነት ጎልቶ ይታየኛል!

ሰው ሁሉ እንዳይወድቅ የደገፈው የራሱ ማስተዋል አይደለም! ሁላችን የቆምነው በእግዚአብሔር ፀጋና ምህረት ነው። እንዲድን የፈለግነው ሌሎችንም ይዞ እንዳይጠፋ የሰጋነው ሰው በዙሪያችን ቢኖር የመመለሻ የመምከሪያና የማስተማሪያ መንገዳችን ሁሉ ፍቅር እንዳይጎለው መጠንቀቅ ያስፈልጋል!

ልጆቻችሁ ፣ ወንድሞቻችሁ ፣ እህቶቻችሁ ፣ ከስጋችሁ አንደኛው አካል በዚህ አስከፊ ጥፋት ቢወድቁባችሁ ልትሄዱ የምትችሉበትን የፍቅርና የርህራሄ መንገድ ሁሉ ለሌሎችም መስጠት የሚያድነው ሃያል ፍቅር ነው!

የነጋዴዎች ፣ የውሸታሞች ፣ የግብዞች መንገድ ግን ከሆዳቸው ጋር ነው! የተሻለ ገንዘብ ከቀረበላቸው ተፀየነፍነው ላሉት ነውር ማጎንበሳቸው
የሚቀር አይመስለኝም!

በስተመጨረሻ ፍቅር የሌለበት ነገር ሁሉ ከንቱ የሚሆን ይመስለኛል! ስለዚህ ነገር ከፃፋችሁም ሆነ ከተናገራችሁ በፍቅር ይሁን! በርህራሄ ይሁን! እናቱን እናታችሁ ፣ እህቱን እህታችሁ አድርጉ!

እንኳን ሰባሪው ቃላችን የእዝነት ቃላችን ሳይቀር በደሉን እንዳያስታውሰው እንጣር‼️

ፍቅር የበለጠውን ስራ ይሰራልና‼️"