The Limkhai Post

PERTH SIYIN NEWS
January& Frebuary, 2025

On Aril 1, 2025 P

USA Ngambup Sizang Thanksgiving nasia tak kivawt

USA Ngambup Sizang Thanksgiving (ahbl) Siyin American Thanksgiving pawi sia November 28, 2024 Thursday ni in, SBMC( Sizang Burmese Mission Church) le SCBC( Siyin Chin Baptist Church) pawlpite lampuina tawh SBMC biakinn ah sun 1:00 PM pan nitak 6:00 PM d**g nasia tak in kivawt hi. Khui khat le Vok khat ngo in lungdam kona pawi kikhaam hi. USA ngam a thengsa Sizang American mimal 500 kiim bang kihel thei uh hi.

Lungdam kona pawi hun masa sung ah Pathian biakpiakna, pokna la te kisa in, Pathian kammal tawh hanthona Rev. John Lian Khai tung pan thu manpha kiza hi.

Rev. Dr. Cin Za Mang in "Thanksgiving" hong piak khiatna thu alim tawh athu tawh phatak sonna zong nei hi. La pawl sakna, action song lapna tatuam zong nupi pawl le khangno te in hong nei uh hi.

Lungdam kona hun khen ninah ah Sayama Ciangboih lampui in patang 30 val in sizang ngeina lui pawlkhat ahi tang pawina, anlak pawi, sa aai, song phut, ngamsa vaina, an lakpawi, an sukna, tangkheap, atatuam le Zeisu ih san zawk an lakpawi( Thanksgiving) le ngeina puan lakna culture show lak uh hi.
Sm Lian Niang lampuina tawh patang pawlkhat in nguata lap hoih mama zong hong nei uh hi.

Hunkhen thumna ah Rev. Dr. Thuam Cin Khai ii k*m 50 cin birthday le luckydraw honna ki nei hi.

Hun theampo Upa Khai Cin Pau in makai in, nuam kisa mama hi.

SBMC pawlpi a om 2006 pan 2015 d**g pawlpi in Thanksgiving ki vawt tawntung hi. 2016 pan 2019 covid ma d**g sia ASI lampuina tawh Thanksging kivawt khawm hi. 2020-2022 sung Covid huhau in Thanksgiving kivawt zo ngawl hi.

2023 pan, SBMC le SCBC lampuina tawh USA Ngambup Sizang Thanksgiving ( ahbl) Siyin American Thanksgiving sia SBMC biakinn ah ki vawt tato hi.

Ngo Pi