Manan

ទីបំផុតកូនលោកផ្កាយ ១ ចូលសារភាពហើយ រៀបរាប់ហេតុការណ៍បុកជាក់ស្ដែង !

កូនលោកផ្កាយ ១ បើក Mercedes បុកស្លាប់ ៦ នាក់ ត្រូវឪពុកម្ដាយនាំខ្លួនមកប្រគល់ឱ្យសមត្ថកិច្ចហើយ នៅរសៀលថ្ងៃទី ១ ខែមេសា ឆ្នាំ ២០២៦ នេះ យុវជនឈ្មោះ ស៊ីវ ជ័យសិដ្ឋ ដែលជាម្ចាស់រថយន្ត Mercedes GT53 បង្កគ្រោះថ្នាក់ចរាចរណ៍បុកជនរងគ្រោះស្លាប់រហូតដល់ ៦ នាក់ នៅស្រុកមោងឫស្សី ខេត្តបាត់ដំបង ត្រូវបានឪពុកម្ដាយនាំខ្លួនចូលមកសារភាពនៅស្នងការដ្ឋាននគរបាលខេត្តបាត់ដំបងហើយ។

ពេលនេះសមត្ថកិច្ចកំពុងធ្វើការសួរចម្លើយដើម្បីចាត់ការតាមនីតិវិធីច្បាប់ ដែលនេះគឺជាដំណឹងដ៏ល្អ និងជាពន្លឺយុត្តិធម៌សម្រាប់គ្រួសារជនរងគ្រោះទាំងអស់ដែលបានបាត់បង់សមាជិកគ្រួសារយ៉ាងអាណោចអាធម៌បំផុតកាលពីពេលកន្លងទៅ។ បន្ទាប់ពីមានការតាមដាន និងការរង់ចាំយ៉ាងអន្ទះសាពីសំណាក់មហាជនគ្រប់ទិសទី ទីបំផុតជនបង្ករូបនេះត្រូវមកតតាំងចំពោះមុខច្បាប់ដើម្បីទទួលខុសត្រូវលើទង្វើរបស់ខ្លួនឱ្យបានសមរម្យបំផុត។

មហាជនគ្រប់គ្នារើសអើងជនល្មើសរូបនេះណាស់ តែមេគុកព្រៃសបែរជាបង្ហាញទឹកចិត្តមេត្តា ចង់ជួយអប់រំកូនលោកផ្កាយ ១ ជំនួសឪពុកវិញ! ខណៈដែលលោកផ្កាយ ១ ស៊ីវ សុជាតិ កំពុងតែព្យាយាមលាក់កូន និងមិនចេះប្រដៅកូនឱ្យមកទទួលខុសត្រូវរឿងបុកស្លាប់ ៦ នាក់ ស្រាប់តែលោកមេគុកព្រៃសបានចេញមកបញ្ចេញមតិយ៉ាងកក់ក្ដៅទៅកាន់ជនល្មើសរូបនេះ។ លោកបានប្រាប់ទៅជនបង្កថា បើឪពុកម្ដាយឯងមិនចេះប្រដៅក្មួយទេ ក្មួយឯងគួរតែចូលខ្លួនមកចុះ ចាំពូអ្នកជួយអប់រំ និងកែប្រែចរិតក្មួយជំនួសវិញនៅក្នុងគុកព្រៃស ដើម្បីឱ្យក្មួយក្លាយជាមនុស្សល្អចេះដឹងខុសត្រូវជាងមុន។