Shauri

Amani ya kisiasa ni nguzo ya maendeleo ya taifa.
Tofauti za kisiasa ni sehemu ya demokrasia, lakini hazipaswi kuwa chanzo cha migawanyiko au vurugu. Kujenga amani kunahitaji viongozi na wananchi kuheshimu sheria, kukubali maoni tofauti, na kuweka maslahi ya taifa mbele ya maslahi binafsi au ya vyama. Bila amani ya kisiasa, haki, maendeleo na umoja wa kitaifa haviwezi kudumu.

😁😘

MLANGONI KWA BABA YAGA – Sehemu ya Pili: Macho ya Mosi

Baada ya kutoka kwenye nyumba ya miguu ya chuma, Mosi hakuwa yule mtoto yule aliyepotea.

Aliwaona watu wakiwa na ngozi za mwili, lakini ndani yao walitembea kivuli—hofu, hasira, tamaa. Aliweza kusikia sauti ambazo watu wengine hawawezi: sauti za miti, vilio vya majivu, na nyimbo zilizopotea katika vumbi la historia.

Alikuwa kimya. Si kwa sababu hakuwa na maneno, bali kwa sababu alijifunza kwamba maneno ni vitu hatari—yanaweza kutengeneza au kuharibu dunia nzima.

Wakiwa wamehama Bwela, Amina alijaribu kumrudisha Mosi kwenye maisha ya kawaida: shule mpya, majirani wapya, chakula kizuri. Lakini kila usiku, Mosi alisimama mlangoni, akitazama msituni, k**a anasubiri kitu. Au mtu.

“Mama,” alisema kwa mara ya kwanza baada ya miezi miwili. “Je, watu wakubwa huwa wanajua wanachofanya?”

Amina alimtazama, machozi yakimjaa. “Sio kila wakati, mwanangu.”

Mosi akatikisa kichwa. “Baba Yaga alisema nimerudi nikiwa na zawadi ya kuona. Lakini pia ni laana. Kwa sababu sasa siwezi kupuuza ukweli.”

Aliwaona walimu wake wakitumia maneno k**a silaha. Aliwaona viongozi wakila zaidi ya walichotenda. Aliwaona watoto wakiugua roho kwa sababu ya chuki, kutoeleweka, na upweke.

Siku moja, alimuuliza mama yake, “Naweza kurudi kwa Baba Yaga?”

Amina alishtuka. “Kwa nini?”

Mosi alitabasamu kwa uchungu. “Kwa sababu nafikiri watu wengine wanahitaji kufundishwa — si kwa maneno, bali kwa safari k**a yangu.”

---

Mwisho wa Sehemu ya Pili