Reporters

تدوينة أعجبتني لاحد ابناء الجنوب:
لا علاقة لي بيوسف الشاهد لا من قريب ولا من بعيد.
لا هو صاحبي ولا يقربلي، هو tunisois وانا اصيل الجنوب العظيم وأفتخر.
بالرغم الي عديت عمري في العاصمة.
اما كي نقرى بعض التعاليق ع الفيضانات متاع البارح يدخلني الشك:
- زعمة يوسف الشاهد هو الي عندو السبالة متاع المطر وشامت في نابل وبني خيار ودار شعبان وحلها فوق روسهم بالظبط باtélécommande وصب عليهم 200 مم؟ 😅
- زعمة الشاهد عام 1998 عطى رخص بناء فوضوي في واد سوحيل و واد الكبير وما جاورهما؟
- ياخي الشاهد حاضر وقت تعمل le plan d’aménagement متاع الجهة وهو الي وافق عليه؟؛ ماو برشا توانسة يبنيو بلاش رخص ومتملحين ويتبوربو وماهمش مستعرفين بالدولة وآخر مثال تهيئة تعمل راهو الشاهد مازال يقرا.
- زعمة الشاهد عندو فلوس صيانة الزيڤوات ومشاريع حماية المدن م الفياضانات ومخبيهم عندو بونتو بالنوابلية؟ تي احنا الشهاري يا ربي نخلطوش عليهم.
- زعمة الشاهد كان ينجم يمشي البارح للCap Bon وماحبش خاطر قعد يتفرج في الكورة؟
- زعمة زعمة...؟؟
ما نتصورش بل متأكد أن الإجابة "لا".
لذا سيبو الراجل شوية.
عِفّو علينا شوية م الحقد والبغض السياسي الي في ظروف كيف هاذي بصراحة وشخصيا نعتبرو تجلطيم أكثر منه نقد.
تنويه: أقول هذا خاطر الميدان هذا بكل تواضع عندي فيه "شوية" compétences بحكم كلالي جحري في 21 سنة قراية و30 سنة في الميدان 😂