DeHan Language and Cultural Innovation Center

Avizu:

Agora dadaun Ami nia sentru formasaun atu loke aula foun ba Timoroan sira ne’ebe interessadu no hakarak atu aprende língua chinesa (Mandarin) tuir oras no loron ne’ebe determinadu ona iha kraik, se interessadu duni, bele rejista lalais ita bo’ot sira nia naran liu husi manda e-mail ou telefone ba númeru telefone ne’ebe hakerek ona iha kraik. Semana ida tan Ami sei comesa ona Ami nia aula foun.

Obrigadu.

Boa tarde ba Kolega iha Facebook sira hotu,

Espera ita hotu diak no saudável deit.

Liu husi meiu ida ne’e, ami hakarak atu aprezenta no introduz ezistência “DeHan Language & Cultural Innovation Center (DLCI Center) ” ba ita hotu katak, DLCI Center estabelese ona ho objetivu atu fornese kursu no formasaun língua Mandarin (Mandarin ba Timoroan & Tetum ba Chinês) ho kualidade. Hare’e ba parseiru estratégiku entre nasaun Timor-Leste no China iha área oioin, no oportunidades bolsu estudu, negósiu no kooperasaun iha área oioin, DLCI eziste ho objetivu atu fasilita komunikasaun entre povu nasaun rua ne’e no kapasita Timor oan jovens estudantes, emprezárius, akadêmikus, etc liu husi kursu no formasaun linguístika atu bele aproveita oportunidades ba bolsu estudu, negósiu no kooperasaun iha área oioin.

DLCI Center mos sei fo orientasaun ba alin, jovens estudantes sira ne’ebe hakarak atu ba estuda iha China no hakarak atu aplika ba bolsu estudu atu ba estuda iha China.

Keta lakon oportunidade sira ne’e, bele komesa rejista ona ita bo’ot sira nia naran liu husi liga ba númeru kontaktu ka email ne’ebe hakerek ona iha kraik.

Obrigado barak.

Loron diak ba ita hotu.