Barcode coffee

حالة اسعافية ....

أكثر الناس في وطني ترفا ورغدا هم الأبرياء قد استقام القول عن الحال المتربص بهم (عايشين بحال الموت ) نعم يا اصدقائي هم الاغنياء كم قرأنا عن غنى النفوس وترف الطيبة لطالما تميز بها أبناء وطني الابرياء الشرفاء ( نبحث عنهم )....

إن العالم يغلي بالضغينة والكره وحال وطني ليس بالبعيد عنها فقد أشيعت مفاهيم مستوردة في محافظ الشعوب فغدا الطيب نكرة والشريف تهمة واللئيم سيد والدنيء مكرمة وهي والله مفاهيم جديدة كليا في مجتمعنا ......

وعلى سبيل المثال لا الحصر إحدى المستوردات جعلت الكثير من افراد مجتمعنا واقعا تائها في ظلام الازدواجية متقمصا الشخصيات انقيادا وتبعية دون إعمال العقل والفكر ....

كم من شاب وصبية يتمنون ان يقلدوا بلوغر اباحي او ممثل مثلي أو مشهور لا اخلاقي او سارق للمال او جامع للحرام ناهيك عن الشخصية الهزلية او مشوهة الافعال ؟
كم من شاب وصبية يتخذون من هؤلاء قدوة والهام يترتب عليها افعال عمياء تحاكي النتيجة وتبرر الوسيلة أيا كانت الغاية ؟ ....

نحن نتسائل لتوصيف المشكلة وتحديد الدوافع وهنا يخطر ببال الكثيرين أن الاجابة هي دافع المال والاشباع المادي او دافع القيمة الاجتماعية والسلطة او دافع الرغبة المحدد للسلوك ....

هنا لن استبق الاجابة بنعم او لا لكن لنرتب الدوافع اذا ما كانت الاجابة بنعم ...

بكل تاكيد ان الدافع ينطلق من عتبة الرغبة المحددة للسلوك ثم تنتقل الى نشوة القيمة الاجتماعية والسلطة وبالتالي النتيجة المال والاشباع المادي .

هنا نلاحظ ترتيب الدافع من المنطلق الى المستقر مبني على الجهل والجهل هنا ملازم لل ( الحقد والكره والحسد والضغينة والنميمة وكل صفة لا اخلاقية ) لاسباب تم ذكرها من تقليد وعبثية وبالتالي اين القيمة الاخلاقية التي انطلق منها السلوك ؟ ايصح ان يبرر الفقر او العوز او القلة هكذا سلوك او ان تصح هذه الحاجات في مجتمعات عريقة ضارب جذرها في عمق التاريخ ؟

إن كانت القيمة البشرية بحد ذاتها مفهوم اخلاقي ومعنوي من اين أتت المفاهيم المادية للقيمة البشرية ؟ اينسب المرء الى كنوزه من الذهب ويجرد انتسابه الى مَلَكات الجمال والصدق والمثل ؟؟؟

ثم من شرع هذه المفاهيم العبثية في مجتمعاتنا إلا من كان يريد اقحامها في العبث والدونية وتلك من عقد نقصه التي اعمت بصيرته عن اللحوق بالضمير واصحابه فيتساوى مع غيره بالعبث ويُقتل الضمير ...

ليس الشريف (جحش) لانه لم يقبل الحرام وليس الدنئ (ذكي) لانه غرق في الحرام وقس على ذلك يا عزيزي ...

مدخل طويل لايخفى على أحد من ابناء جلدتي لكن التوصيف هنا تذكير بأن المشكلة الأولى والأخيرة في مجتمعنا هي الافراد انفسهم ككل ومفرزاتهم من الانظمة والسلطة على وجه الخصوص وبالتالي هيهات أن تجني سكرا من حنظل فالارادة نحو التغيير تستلزم تصحيح المفاهيم أولا والرجوع إلى الثوابت الانسانية والفطرة السليمة وهذا هو ضمير الحل وليست الأداة لان الأداة هي كل فرد واسرة ومكون انطلاقا من الذات.....

ولأن المجتمع الأهلي هم المجموع النخبوي في كل مجتمع من مثقفين واكاديميين واخصائيين وحتى رجال الدين يقع على عاتقهم التحرك كأداة تصحيح للمفاهيم وتبادل وجهات النظر وتقريبها مع تدوير زوايا النظر ومقاربة الرؤى ...

ربما الحل يستلزم اعوام بل عقود لكنه أصل الحل ويضمن على المدى المنظور اجراء انعاشي يقيه من التهلكة وطول أمد التفكك ...

السوريون بحالة اسعافية ( اغيثوا أنفسكم ) ...

Ali Shebani

استعمل عقلك ... ولك النتيجة المرضية ... كلام دهب

منقول :
بالنسبة إلي
ما بدي لا حماية فرنسية ولا حماية روسية ولا اخرائيلية ولا بطيخ
أنا بدي عيش أنا وإبن بلدي وحط إيدو بإيدو ونرجع نعمر هالبلد 💚💚💚

هيئة أمن عام ادارة نحنا شاكرين تعاونكن بس بدنا أكتر يسلمو انكن عم تحتوا كتير مواقف بس بدنا الزعران تضبضب مبدنا الوضع يتفلت ماقصرتوا بس الواجب اكبر صار رجاءا رجاءا لا تدخروا وقت ولا جهد لموا الزعران اللي متتصرف باسماء مشبوهة وتشوه عأهل البلد الواحد أمنها وأمانها ...

نحنا بتمثلنا سورية وبس سورية .

شو الخبر يا خاي ....

قال أنو لازم نكون إيد وحدة وما في فرق بين مكونات الشعب السوري ولا للطائفية ولازم نحب بعض ونعمر البلد وشعب الساحل لازم يتعايش مع بعض وتوجيهات الثوار أنو لا للطائفية والهيئة تدعو لضبط النفس ورفض التحريض والفتن وووووو .....الخ .

بتفرج عهالقصص ( طبعا مشكور شعبنا العظيم والثوار والهيئة والأمن وادلب وحلب وفلسطين وكمبوديا واستراليا وأطلنطا المفقودة بس في شغلة ما بتعرفوها عنا ) هلق حابب احكي برياحتي بقا ...

انا من الساحل اي انا بحب الساحل اكتر من حمص والشام وغيرا بس مو يعني مابحبن لا بس بحب الساحل أكتر ....

كل قطعة فيه من البحر للجبل بحبا اكتر من كل الأرض بحب الناس اللي فيه والحجر والشجر والمي مابحب الفيجة قد السن ولا بحب قاسيون قد صلنفة ولا الشعلان قد الصليبة ولا الدبلان قد المشبكة ولا الحمصي قد الطرطوسي ولا الشامي قد الااذقاني هيك بحب هالنزعة بحب هالشعب الساحلي ..

بحبو لانو طيب بسيط عصبي مسامح شهم كريم كلشي فيه بريء كلشي فيه فقير وبنفس الوقت غني وفهيم وظريف ومزاجي....

بتجو بتحكولنا قصص وبدكن تعلمونا كيف نكون مع بعض بزعل لما اسمع قصص مابتشبهنا ماكنا نسمع فيها بالمرة ..

نحنا بالساحل مامنعرف مين مع مين ومين ضد مين نحنا اصلا مامنعرف شو هيي المناسبة اللي ممكن تكون عيد او ذكرى بس منحتفل فيها قبل اصحابا ...
وجهنا بيضحك للنار متل رغيف الخبز كوانا الفقر ومنضل عم نضحك في الله فوق ساترنا ....
بنفرح بزمامير سيارة العرسان منزمر بس لانو في فرح وبنحب نشارك فيه الفرح جزء منا ....

اجيتو لعنا وبضيافتنا وقبل ب١٤ سنة ولهالصوب سبقوكن أهاليكن لعنا وعاشوا بيناتنا اهل واخوة صارو بيشبهونا صارو يحكوا متلنا يشوفوا منامات متلنا يشوفوا الانبياء متلنا يغنوا متلنا يحبوا متلنا ....

ما حسوا انن بحاجة يعلمونا أو يذكرونا بأنن سوريين بالعكس تعلموا مننا كلشي بيخليهن يتأكدوا أنهن مننا وبين أهلن وناسن .

وبتمر الايام وبتصيروا بتشبهونا وبتفهموا كل كلمة عم قولا نحنا مابدنا تعلمونا هالقصص وكيف نحب ونعيش مع بعضنا .....
أنتوا لحالكن مو بإيدكن رح تتعلموا منا رح تعرفوا كتير منيح كيف الكلمة بتطلع من القلب وبتوصل من علي لعمر ويكتبا يوحنا .