Bac App

كيفكم بكلوريات ال2025🔥
أكيد الكل خايف ومتوتر من قصة الأتمتة
بس يا ترى الأمر بيستحق كل هالشي؟ خلونا نوضحلكن
بالبداية أنو الأتمتة هي أفضل وسيلة لاختبار معرفة الطالب ومستخدمة بأغلب دول العالم 🌍🌎بجميع المراحل التعليمية وغير هيك بتوفر كتير وقت عالوزارة بخطوات التصحيح والتدقيق والتنتيج...
طيب بالنسبة للطالب هل هي أسهل ولا أصعب؟؟
ببساطة أسهل✅ اذا عرف شلون يدرس من الأول وعرف شلون يستغل كل إيجابية ويتجنب كل سلبية ورح يلاقيها أصعب❌ اذا ضاع وما عرف شلون يتعامل معها
طيب شو الإيجابيات✅ والسلبيات❌؟
الإيجابيات :
1️⃣ أول وأهم إيجابية هي أنو الطالب مو مضطر يبصم الفقرات بصم ليجيب العلامة الكاملة وفينو يعتمد عالفهم مع شوية حفظ ولازم تنتبه أنك ما تقرأ وتفهم وتمشي لازم تكون في نسبة حفظ مع الفهم مشان تكمل الدراسة

2️⃣ متل ما بقولو الجواب قدامك😁
أحياناً بكون الطالب نسيان الجواب او "ع راس لسانه" وبس يشوف الخيارات بيتذكر الجواب.

3️⃣بالمواد اللي فيا حسابات متل الفيزيا والكيميا والرياضيات مانك مضطر تكتب كل الخطوات بكفي بس تعرف الجواب واللي يمكن حتى تطالعه من دون كتابة.🧠

4️⃣اذا في سؤال ما بتعرفه ابداً في احتمال 25% انك تجيبه صح (باعتماد طريقة التشليف 😉)

السلبيات :
1️⃣ أحيانا الوقت ما بكفيك خصوصاً اذا وقفت كتير عند سؤال والحل: أنك ما لازم تعطي السؤال أكتر من وقته وإذا وقفت عند سؤال تركه للأخير.

2️⃣ بعض الأخطاء كانت تروح جزء من العلامة بالنمط السابق متل الأخطاء الحسابية.. هلق للأسف بتروح علامة السؤال كلها. 🤯

3️⃣إذا أخطأت وحبّرت سؤال وبعدين اكتشفت انه حلك غلط ما فيك تغير الحل لهيك لازم تكون حذر كتير من هي الناحية وتستعمل قلم الرصاص بالبداية وتحبر بالأزرق قبل ما تسلم.
ورح ننزلكم منشور بخص طريقة التحبير والتعامل مع الورقة بالامتحان 🔥

طيب كيف الواحد بيستفيد من الايجابيات وبيتجنب السلبيات؟
هون بتصير طريقة الدراسة أهم من الكمية وبتصير بتحسن توفر وقت من مواد حفظية متل العلوم والوطنية لمواد تانية بدها تركيز اكتر بالأتمتة متل الرياضيات والفيزياء والكيمياء
يعني لازم تعتمد عالفهم أكتر من الحفظ وتتعود عالسرعة وتتدرب عالنمط الجديد بحل كتير أسئلة
طيب من وين بدنا نجيب الأسئلة؟

هي تركها علينا😁
نحن منوفرلك كمية كبيرة من النماذج ومن أفضل الأساتذة على مستوى سوريا ومن مختلف المحافظات🔥
تابعنا على منصات التواصل ليوصلك كل جديد عن منصة Bac App
Telegram:
https://t.me/bac2025students

Insta: https://www.instagram.com/bac_app?igsh=ZTc0M3lwMzl6bWJr