Gool fm

Kooxda kubadda cagta Manchester City ayaa diiraddeeda u jeedisay xiddig khadka dhexe ah oo ka ciyaara horyaalka waddanka Ingiriiska ee Premier League oo qiimihiisa lagu sheegay €90 milyan oo Euro, kaas oo tababare Pep Guardiola uu doonayo inuu ku xoojiyo safkiisa.

Manchester City ayaa la filayaa inay ku dhacaan isbeddello isla markaana ay ka tagaan ciyaartooyo uu ka mid yahay Kevin de Bruyne oo si weyn looga doonayo horyaalka waddanka Sucuudiga oo lacago badan ula diyaar ah.

Pep Guardiola ayaa calaamadsaday laacibka reer England ee Eberechi Eze oo khadka dhexe oo dhawr meelood ah uga ciyaara Crystal Palace, kaas oo uu u arko inuu yahay xoog iyo farsamo wanaagsan oo kooxdiisa kusoo kordhaysa haddiiba ay noqoto in De Bruyne uu go’aansado inuu ka tago Etihad Stadium.

25 jirkan ayaa xilli-ciyaareedkan u saftay kooxdiisa 22 ciyaarood oo dhamaan tartamada ah oo uu u dhaliyey lix gool iyo saddex caawimood oo uu raaciyey.
Laacibkan hibada badan oo kasoo baxay kulliyadda da’yarta Arsenal oo ay Gunners si fudud ku lumisay ayaa waxa Man City lagu xidhi doonaa €90 milyan oo Euro.

Eze ayaa isugeyn waxa uu kooxdiisa Crystal Palace u saftay 115 ciyaarood oo uu u dhaliyey 21 gool iyo 14 kale oo uu caawiye ka noqday, waxaana uu Crystal Palace kula jiraa qandaraas socon doona illaa sannadka 2027, taas oo keenaysa in kooxda reer London ay dalbato

(Madrid) 23 Feb 2022. Mid ka mid ah kulammada ugu xiisaha badan wareegga 16-ka tartanka Champions League ayaa caawa lagu ciyaari doonaa magaalada Madrid ee caasimadda dalka Spain halkaas oo ay foodda isku dari doonaan kooxaha Atletico Madrid oo marti gelineysa Manchester United.
Atletico ayaa qaab liita u ciyaartay heerkii guruubyada balse ugu dambeyn waxaa u suuro gashay inay kaalinta labaad kaga soo baxdo guruubkii ay kula jirtay Liverpool inkastoo labadooda farqi sagaal dhibcood ah uu u dhexeeyay, dhinaca kale, Man United ayaa guruubkeeda F kaga soo gudubtay booska koowaad iyadoo hal dhibic kaga baxsatay naadiga Villarreal, waxayna Red Devils imaanshaha wareeggan uga mahad celineysaa Cristiano Ronaldo.
Ogeysiiska Ciyaarta:-
Tartanka: Yurub – Champions League
Saacadda ay bilaabaneyso ciyaarta: 10:00 Habeennimo xilliga Geeska Afrika
Garoonka: Wanda Metropolitano
Garsooraha: Ovidiu Hategan (Romania)
Wararka kooxaha:-
Atletico Madrid ayaa dhabar-jab xoog leh la kulantay kahor kulankan muhiimka ah maadaama uu ka dhaawacmay kabtankeeda Koke, sidoo kale Daniel Wass iyo Matheus Cunha ayaa ciyaartan dhaawacyo uga maqan, halka Yannick Carrasco uu isna ganaax ku seegayo, intaas waxaa u sii dheer in Thomas Lemar shaki la gelinayo maadaama uu haatan kasoo kabsaday xanuunka Koofid-19.
Geesta kale, Manchester United ayaa markale weyneysa weeraryahankeeda khabiirka ah ee Edinson Cavani, kaasoo weli dhaawac la tacaalaya, sidoo kale goolhayaha dookha saddexaad ee Tom Heaton ayaa isna dhaawac qaba.
Xaqiiqooyinka Ciyaarta:-
Markii ugu dambeysay ee ay Atletico Madrid iyo Manchester United kulmaan waxay isku arkeen wareegga labaad ee tartankii UEFA Cup Winners’ Cup xilli ciyaareedkii 1991/92. Atletico ayaana wadarta labada lug kusoo gudubtay 4-1.
Kaddib guuldarradii kasoo gaartay kulankeeda ugu horreeyay tartanka Champions League xilli ciyaareedkan, Manchester United ayaa guuldarro la’aan ah shantii kulan ee ka dambeysay iyadoo saddex ka mid ah guuleysatay taasoo ka dhigan inay labada kale barbarro gashay.

Manchester United ayaa kaliya hal guul gaartay toddobadii safar ee ugu dambeysay ee ay kooxaha Spain ku booqatay wareegga bug-baxa tartanka Champions League, waxayna diiwaanka ku qoratay afar barbarro iyo labo guuldarro.
Shaxda macquulka ah ee labada koox