Fardowso Mahamud Sahal

Xiisad Cusub.

Dowladda Sudan ayaa si rasmi ah ugu eedeysay Ethiopia iyo United Arab Emirates inay ka dambeeyaan weerarro diyaarado aan duuliye lahayn (drone) oo lagu qaaday Khartoum International Airport iyo goobo kale oo ku yaalla magaalada Khartoum.

Mas’uuliyiinta Sudan ayaa sheegay in weerarradaan ay yihiin “gardarro cad,” iyagoo ku doodaya inay hayaan caddeymo ay ka mid yihiin lambarrada drones-ka oo la sheegay in laga soo diray magaalada Bahir Dar, isla markaana lagu isticmaalay qalab ay sameysay UAE.

Ethiopia si adag ayay u beenisay eedeymahaas, waxayna ku tilmaantay kuwo aan sal lahayn. Itoobiya sidoo kale waxay dib ugu yeeratay safiirkeedii Sudan.

Sudan waxay sheegtay inay diyaar u tahay inay arrintaan ay horgeyn doonto United Nations Security Council si loo baaro loona qaado tallaabooyin caalami ah.
Xiisaddan cusub ayaa kusoo beegmaysa xilli ay dalka Sudan ka socoto dagaal sokeeye oo sii xoogeysanaya, taasoo khatar ku sii kordhin karta xasilloonida gobolka.

silsiladda $50M ee Beyoncé!

Beyoncé ayaa xafladda Met Gala 2026 ku soo bandhigtay silsilad qiimaheedu gaarayo $50 milyan, taas oo noqotay mid ka mid ah waxyaabaha ugu hadal haynta badan.
Waxaa laga sameeyey silsiladdan dheeman aad u nadiif ah oo dhif lana diyaariyay muddo dheer si gaar ah loogu waafajiyo muuqaalka ay Beyoncé xiratay.

Naqshadda ayaa la sheegay inay ka tarjumeyso isku darka farshaxanka casriga ah iyo astaamo taariikhi ah oo la xiriira mawduuca xafladda.

Silsiladda ayaa amnigeeda lagu kordhiyay Ilaalo heer sare ah inta ay socotay xafladda.

Silsiladda $50M ah ayaa ka dhigtay Beyoncé mid sii xoojisay sumcadeeda dhanka fashion-ka, iyadoo markale noqotay qofka ugu hadal haynta badan Met Gala.

Dowladda Zambia ayaa si rasmi ah u hakisay wada-xaajoodyadii ay la lahayd United States ee ku saabsanaa heshiisyo balaayiin dollar ah, kuwaas oo quseeyay adeegyada caafimaadka iyo macdanta.

Wasiirka arrimaha dibadda ee Zambia, Mulambo Haimbe, ayaa sheegay in sababta go’aankan ay tahay shuruudo uu ku tilmaamay “aan la aqbali karin” oo ka yimid dhinaca Washington, iyo dalabyo lagu doonayay in Maraykanka loo siiyo mudnaan gaar ah (preferential treatment).

Arrintan waxay muujinaysaa khilaaf ka dhex aloosan labada dal, gaar ahaan sida loo maareynayo kheyraadka dabiiciga ah iyo iskaashiga caafimaadka. Zambia waxay doonaysaa heshiisyo u siman labada dhinac, halka Maraykanka lagu eedeeyay inuu doonayo faa’iido dheeraad ah.

Lacagta Iran 🇮🇷 oo burburtey!

Lacagta Iran (rial) ayaa gaartay heerkii ugu hooseeyay taariikhda, iyadoo hal dollar lagu sarifayo ku dhawaad 1.8 milyan rial.

sababaha ugu waaweyn ayaa ah,
Dagaalka Bariga Dhexe
Cunaqabateyn dhaqaale
Baahi weyn oo loo qabo dollar
Iyo Sidoo kale
Sicir barar sare in ka badan 65% maciishada ayaa saté u kacdey.