Run Gate

DEG DEG: War-Saxaafadeed:

Anigoo ah Boqor Bashiir Boqor Ciise, waxaan si dhow ula socday xaaladda Galmudug, anigoo door muuqda ku lahaa geeddi-socodkii dhismaheeda iyo hirgelintii caasimaddeeda rasmiga ah.

Mudane Madaxweyne, sida ay xaaladdu maanta u muuqato, weli laguma guuleysan in xal waara loo helo dhammaan caqabadaha horyaalla maamulka, kuwaas oo wali u baahan taageero iyo dadaal dheeraad ah. Dhanka kale, waxaa waqti iyo juhdi badan lagu bixiyey arrimo aan mudnaanta koowaad u lahayn bulshada guud ahaan.

Ma muuqato hanaan horumarineed oo si wadajir ah u taabanaya dhammaan deegaannada iyo bulshada Galmudug, balse waxaa muuqata in xoogga la saaray jihooyin gaar ah oo aan ka tarjumayn wada-lahaanshaha maamulka.

Sidaa darteed, waxaan kugula talinayaa inaad dib ugu noqoto talo-wadaagga iyo wada-tashigii ay ku mideysnaayeen 11-kii beelood ee markii h**e kuu dhiibtay hoggaanka, maadaama aysan habboonayn in masuuliyaddaas ballaaran lagu koobo go’aan hal dhinac ah.

Waa talo boqor, waana talo ku dhisan danta guud, midnimada iyo horumarka Galmudug.

Wabillaahi Towfiiq.
Boqor Bashiir Boqor Ciise # #