Ileys Youth Development Organization

Qaar ka mid ah xubnaha Ururka Horumarinta Dhalinyaradda Ileys (IYDO) ayaa magaalada Muqdisho kaga qayb-galay tababar aqoon-kororsi ah oo aad u muhiim ah, kaas oo si gaar ah diiradda loogu saaray horumarinta hoggaaminta, dhisidda awoodda dhalinyarada, iyo kor u qaadista xirfadaha shaqo ee dhalinyarada si loogu diyaariyo suuqa shaqada.

Tababarkan ayaa qayb ka ah dadaalka joogtada ah ee ururka si dhalinyaradu ay door muuqda oo hormuudnimo leh uga qaataan horumarinta bulshada, iyadoo Ururka Ileys uu mar walba u taagan yahay dhisidda jiilka berri si loo sugo mustaqbal ifaya oo waara.


Ileys Youth Development Organization

Xubno ka tirsan Ururka Horumarinta Dhalinyaradda Ileys ayaa ka qeyb galay munaasabaddii weynayd ee lagu xusayay 83 Sano Guurada ka soo wareegtay aasaaskii SYL iyo Maalinta Dhalinyarada Soomaaliyeed.

Munaasabadda waxaa goobjoog ka ahaa madaxda ugu sarreysa dalka oo ay ka mid yihiin Madaxweynaha Jamhuuriyadda, Dr. Xasan Sheekh Maxamuud Guddoomiye Ku-xigeenka 1-aad ee Baarlamaanka, Sacdiyo Yaasiin Xaaji Samatar, Wasiirka Dhalinyarada iyo Isboortiga iyo mas'uuliyiin kale oo tirsan dowladda.

Ururka Ileys wuxuu mar walba diyaar u yahay dhiirrigelinta iyo dhisidda mustaqbalka dhalinyarada Soomaaliyeed, si loo gaaro hal-ku-dheggii munaasabadda ee ahaa "Nabad & Barwaaqo".

Hambalyo Maalinta Dhalinyarada.

𝗠𝗮𝗮𝗹𝗶𝗻𝘁𝗮 𝗗𝗵𝗮𝗹𝗶𝗻𝘆𝗮𝗿𝗮𝗱𝗱𝗮 𝗦𝗼𝗼𝗺𝗮𝗮𝗹𝗶𝘆𝗲𝗲𝗱

Haddaan nahay Ururka Horumarinta Dhalinyaradda Ileys, waxaan hambalyo u diraynaa dhammaan dhalinyaradda Soomaaliyeed meel kasta oo ay joogaan munaasabadda 15-ka May.

Dhalinyaraddu waa xoogga iyo iftiinka mustaqbalka dalkeenna. Waxaan mar walba u taagannahay garab istaagga iyo horumarinta Dhalinyaradda Soomaliyeed.

Aynu ku dayano dhiirraantii dhallinyaradii SYL, oo aan noqono kuwii dalkooda gaarsiin lahaa horumar iyo barwaaqo.