Cubayd khalaf

Maxaa salaaddu uga khayr bagan tahay hurdada؟!

☜ Jawaabta: ↓

• Waxay uga wanaagsan tahay hurdada:
Waayo hurdadu waa ka jawaabista baahida nafta,
laakiin salaaddu waa ka jawaabista yeedhmada Ilaahay.

• Waxay uga wanaagsan tahay hurdada:
Waayo hurdadu waa dhimasho yar,
laakiin salaaddu waa nolol.

• Waxay uga wanaagsan tahay hurdada:
Waayo hurdadu waa nasashada jidhka,
laakiin salaaddu waa nasashada nafta.

• Waxay uga wanaagsan tahay hurdada:
Waayo hurdada waxaa wada seexda mu’min iyo gaalba,
laakiin salaadda ma tukado waxaan mu’min ahayn.

Dadkaan tukada salaadda fajarka waa dad guuleystay: wejiyadoodu waa iftiimaan, jahooyinkoodu waa barako, waqtigooduna waa la camiray.
Haddii aad ka mid tahay, u mahadnaq Ilaahay fadligiisa.
Haddii aadan ka mid ahayn, weyddiiso Ilaahay inuu kaa dhigo kuwaas ka mid ah.

Waxaan ka tagi doonaa dunida, raadkeennu se wuu harayaa.

Noloshu waxay u muuqataa mid sahlan marka laga hadlaayo,
way adkaaneysaa marka lala tacaalayo,
way xanun badantahay marka lagu noolaado,
way ku daalisaa marka lagu ordayo tartankeeda,
way gaabisaa marka laga fikiraayo,
laakiin waa cajiib marka la ku qanacsan yahay...!!

✍🏻

Awoodda Ducada

Ducadu waa hibo weyn oo uu Ilaahay siiyay addoomihiisa. Waa hab gaar ah oo qofku Ilaahay ugu bandhigi karo baahidiisa, uguna mahadcelin karo nimcooyinka uu helay. Ducadu waa jidka tooska ah ee qofku uga raadsado raxmadda iyo naxariista Rabbigiis, waana mid qofka qalbigiisa deganaan iyo rajo galisa.

Ilaahay wuxuu Qur’aanka ku yiri: " ادْعُونِي أَسْتَجِبْ لَكُمْ " (Ghaafir: 60). Taas macnaheedu waa in ducada aan marna laga daalin, waayo Ilaahay waa maqlaa, waana aqbalaa baryada qofka haddii ay kheyr u tahay.

Ducada waxay qofka siisaa awood uu ku wajaho caqabadaha nolosha. Marka qofku baryo oo uu Ilaahay talada saarto, wuxuu dareemaa yididiilo iyo kalsooni ah in xalku uu soo dhow yahay. Sidoo kale, ducadu waxay qofka baraysaa sabir iyo dulqaad, iyadoo xasuusinaysa in wax walba xilligeeda ku yimaadaan.

Waxaa jira waqtiyo si khaas ah oo ducada la aqbalo sida: Xilliga salaadda kadib, habeenka saqda dhexe, maalinta Jimcaha galinkeeda dambe, iyo inta lagu jiro soonka.

Ducada ma ahan oo keliya in wax la waydiisanayo Alle, balse waa fursad uu qofku dembi dhaaf ku dalbado sidoo kalena mahadnaq uu ku muujiyo. Waa habka ugu fiican ee qofku ku muujin karo xiriirkiisa dhow ee uu Ilaahay la leeyahay.

Marka, haka daalin ducada. Waa furaha guusha, farxadda, iyo xasiloonidda nolosha. Xusuusnow in Ilaahay mar walba kuu dhow yahay, diyaarna u yahay inuu aqbalo baryadaada, si uu kuu siiyo kheyrka aad mudan tahay.

Omer