Yool Info

Dawladda Sacuudiga ayaa ka noqotay bayaan wadajir ah oo lagu cambaareynayay furitaanka safaaradda Somaliland ee Qudus.

Wasaaradda Arrimaha Dibadda ee Sacuudi Carabiya ayaa tirtirtay bayaankan oo ka saartay dhammaan akoonnada wasaaradda ee baraha bulshada

Jamhuuriyadda Somaliland waa dal jira oo madaxbannaan. Meesha ay ku taal na waxa ay siisay ahmiyad aad u weyn. Adduunyadu si aad u weyn ayey isku beddelaysaa. Waxa dhawaan muuqan doona horumar iyo isbeddel wanaagsan oo taariikhi ah.

Cambaaraynta af-gobaadsiga ah in badan ayaa ka waantoobi doonta. Runta ayaa la wajihi doonaa. Runtu waa in ay Somaliland tahay dal madaxbannaan oo mudan in la ixtiraamo.

“Waxa aan saaka goor h**e ku booqday xarunta Hoggaanka Baadhista Dambiyada (C.I.D) Suldaan Axmed Muuse (Suldaan Qabile).

Waxa aan ugu baaqayaa Hay'addaha cadaaladda iyo goorsooka Dalka in xoriyadiisa loo celiyo.

Waxa aan u mahad-naqayaa Hoggaanka Baadhista Dambiyaada oo furad ii siiyay aan Suldaanka ku Xog-waraysto.” Siyaasi Maxamed Cali Darood.

𝗤𝗢𝗙 𝗔𝗔𝗡 𝗚𝗨𝗥𝗜𝗚𝗜𝗜𝗦𝗔 𝗗𝗜𝗙𝗔𝗔𝗖𝗔𝗡 𝗞𝗔𝗥𝗜𝗡, 𝗤𝗨𝗗𝗨𝗦 𝗠𝗔 𝗫𝗢𝗥𝗔𝗬𝗡 𝗞𝗔𝗥𝗔𝗔?

Qudus waa dhul Muslim ah oo ay Israa’iil xoog ku haysato taas cidina k**a doodayso. Laakiin su’aasha meesha taal waxay tahay: haddii mabda’aagu yahay in dhul Muslim laga haysto aan laga aamusin karin, maxay tahay sababta aanad isla mabda’aas ugu dabaqin dhulka Soomaaliyeed ee ay Kenya iyo Itoobiya xoogga ku haystaan? Maxa dhulka iyo dhiiga Muslimiintu kuugu kala soocnaadeen?

Ma waxaad kala mudnaynaysaa dhiigga iyo dhulka laba Muslim oo walaalo ah Soomaalida iyo Falastiiniyiinta? Miyaan labadaba dhul laga haysan? Mise dhibaatadu waxay qiimo leedahay marka ay meel fog ka dhacdo, laakiin qiimo ma leh marka ay ku dhacdo dadka kula wadaaga afka, diinta, iyo deegaanka?

Haddii aad tidhaahdo: “Iyaga awood baynu u waynay aan ku soo ceshano,” markaas su’aasha kale ee ku hor imanaysaa waxay tahay: sideed Qudus awood ugu heshay? Haddii aad awood u wayday inaad soo ceshato dhulka kuugu dhow, ee xadkaaga ku yaalla, sidee ayaad ugu doodaysaa xoreynta dhul kumannaan kiiloomitir kuu jira? Qof aan gurigiisa difaaci karin sidee ayuu ugu doodi karaa inuu caasimad kale xoreynayo?

Haddii aad tidhaahdo: “Qudus waa dhul barakaysan oo Muslimiinta ka dhexeeya,” taas waan fahmay. Laakiin diinta Islaamku ma odhan meel barakaysan darteed ayaa mudnaanta dagaalka loo kala hormarinayaa. Islaamku wuxuu leeyahay xeer mudnaan iyo awood ku dhisan. Magaalada Maka waa meesha ugu barakaysan dunida Muslimka, haddana markii Muslimiintii lagu dhibaateeyey iyaga oo xiligaas daciif ah waxaa Nabi Muxamed (CSW) lagu amray inuu ka baxo oo hijroodo. Laguma amrin inuu sii joogo magaalo barakaysan oo dagaal keeda aanu awood u lahayn.

Marka h**e nabi Muxamed (CSW) wuxuu dhisay dadka iyo imaankooda, kadibna dawlad awoodleh, iyo bulsho Muslim ah oo quwi ah; dabadeed ayaa dib loogu soo noqday Maka iyada oo xoog iyo istaraatiijiyad jirto. Taasi waxay ina tusaysaa in diintu aanay ku shaqayn shucuur keliya, balse ay ku shaqayso xikmad, awood, iyo kala hormarinta mudnaanta.

Soomaaliduna waxay h**e u tidhi: “Oodo dhacameed siday u kala sarreyso ayaa loo kala guraa.” Qofku marka h**e wuxuu hagaajistaa gurigiisa, qoyskiisa, iyo jaarkiisa. Xitaa sadaqadu waxay ka bilaabataa dadka kuugu dhow. Haddaba sidee bay macquul u tahay in qofku ka hadlo meel aanu awood uu ku difaaco lahayn oo ka fog, balse aanu waxba ka odhan dhulka Muslimka ee jaarkiisa ah ee la haysto?

Intaas waxa dheer in maanta dunida Muslimka iyo tan aan Muslimka ahaynba ay si weyn ugu heshiiyeen waxa loo yaqaan “Two-State Solution” xalka laba dawladood. Macnaha xalkani waa in laba dal oo kala madax-bannaan, Israa’iil iyo Falastiin, ay ku wada noolaadaan heshiis iyo xuduudo la aqoonsan yahay. Xitaa ururrada Muslimiinta sida OIC, Jaamacadda Carabta, iyo hoggaanka Falastiin laftiisu way aqbaleen wadadaas siyaasadeed iyo diblomaasiyadeed.

Haddaba haddii dunidii Muslimka ahayd, Carabtii, iyo xitaa dadka Falastiin laftoodu ay qaateen waddo wada-hadal iyo xal siyaasadeed ku dhisan, maxay tahay sababta adiga kaa dhigtay mid kaga duwan? Maxaad uga dhigaysaa arrin shucuur iyo laabla kac ku dhisan, halkii laga eegi lahaa xaqiiqada awoodda, siyaasadda, iyo sida dunidu maanta u shaqayso?

Somaliland maanta waxay dooratay waddo ku dhisan xaqiiqo, dan qaran, iyo badbaadinta dadkeeda muddada dheer go’doonsanaa. Qaran aan weli helin aqoonsi buuxa, isla markaana ku jira halgan dhaqaale, siyaasadeed, iyo mid horumarineed, waxaa waajibkiisu ugu horreeya yahay ilaalinta jiritaankiisa, xasilloonidiisa, iyo horumarinta nolosha shacabka uu masuulka ka yahay.

Taasi macnaheedu ma aha in Somaliland ka leexatay dareenka Muslimiinta ama qaddiyadda Falastiin; balse waxay aaminsan tahay in qaran kastaa marka h**e dhisto awooddiisa, xasilloonidiisa, iyo mustaqbalkiisa, si uu berri ugu noqdo qaran miisaan leh oo wax tari kara dadka kale. Dunidu kuma socoto shucuur keliya; waxay ku socotaa dano, istaraatiijiyad, iyo xaqiiqo jirta.

Somaliland ma raadinayso colaad iyo burbur; waxay raadinaysaa aqoonsi, horumar, iskaashi caalami ah, iyo nolol sharaf leh oo ay dadkeedu helaan. Qaranimada dhabta ahi waxay ka bilaabataa ilaalinta dadkaaga, dhulkaaga, iyo danaha shacabkaaga.

Maxamed Deeq

Sahan Network & UNICAF University are joining forces to provide affordable and flexible Bachelor’s Degree & Master’s Degree programs for students across the world. 🌍

✅ Study Online
✅ Access Universities in 75 Countries
✅ Up to 75% Scholarship Opportunities
✅ Bachelor’s & Master’s Programs

📞 Contact Us:
0633984374
0634141719

Xidhiidhka caalamiga ah laguma hago caadifad ku-meel-gaadh ah ama mabaadi' caqiido oo keliya, balse waxa saldhig u ah xaqiijinta danta guud ee ummadda iyo masiirka dalka la hoggaaminaayo.

Qore: Fu'aad Badmaax

“Siyaasadda arrimaha dibadda ee dal kasta oo madaxbannaan waxa mabaadi'da aasaasiga ah iyo yoolkiisa fogba haga dantiisa istaraatijiyadeed iyo sugidda jiritaankiisa qaran. Sida ay dhigayaan xeerarka iyo waayeelnimada dublamaasiyadda caalamiga ah, xidhiidhada caalamiga ah laguma hago caadifad ku-meel-gaadh ah ama mabaadi' caqiido oo keliya, balse waxa saldhig u ah xaqiijinta danta guud ee ummadda iyo masiirka dalka la hoggaaminayo.
‎Marka laga duulayo loolanka juquraafi-siyaasadeed ee caalamiga ah iyo baahida weyn ee Jamhuuriyadda Somaliland u qabto helitaanka aqoonsi caalami ah iyo isbahaysiyo cusub, waxaanu taageero buuxda u fidinaynaa go’aan kasta oo ay Dawladda Somaliland u aragto inuu u adeegayo danta qaranka. Tani waxay ka dhigan tahay, haddii ay xukuumaddu u aragto inay dhiirigelinayso danheeda siyaasadeed, dhaqaale, iyo milatari, inay xafiis diblamaasiyadeed ama safaarad ka furan karto magaalada Qudus.
‎
‎Sida dabiiciga ah, go'aamada waaweyn ee masiiriga ah waxay inta badan abuuraan dood iyo kala aragti duwanaansho dhanka bulshada ah. Waa xaqiiqo biyo k**a dhibcaan ah in qayb ballaadhan oo ka mid ah shacabka Somaliland ay xidhiidh kasta oo lala yeesho dalka Israa'iil u arkaan mid ka hor imanaya qiyamka akhlaaqeed, kuwa diimeed, iyo garab-istaagga taariikhiga ah ee shacabka reer Falastiin.
‎Hasa yeeshee, xukuumadda iyada ayaa loo igmaday hoggaaminta iyo go’aan ka gaadhista arrimaha masiiriga ah ee dalka kor u qaadaya; sidaa darteed, waa inay ku dhiirataa go’aamada arrimaha dibedda ee danta Somaliland u adeegaya, iyadoo laga duulayo odhaahda caanka ah ee ah:
‎"Dalku ma laha saaxiib joogto ah, balse wuxuu leeyahay dan joogto ah."
‎
‎In kasta oo fulinta go'aamada istaraatijiyadeed ay lagama maarmaan tahay, haddana marnaba ma aha in loo adeegsado marmarsiinyo lagu cabudhiyo codka iyo ra'yiga muwaadinka. Nabadda iyo xasilloonida dhabta ahi waxay ku dhismaan is-qancin iyo wada-tashi, ee kuma dhismaan khasab iyo baqdin. Waa inaan muwaadiniinta laga qaadin xorriyadooda aasaasiga ah ee dastuuriga ah, iyadoo lagu dhuumanayo difaaca "Dan Qaran". Dan qaran oo muwaadinka xuquuqdiisa lagu tumanayo ma jirto, sababtoo ah danta ugu weyn ee dalku leeyahay waa ilaalinta iyo dhowrista muwaadinka.
‎Sidaa darteed, tallaabo kasta oo sharciga lagula xisaabtamayo muwaadin ka horyimid ama naqdiyay go'aanada dawladda, waa inay noqoto mid si adag ugu salaysan Dastuurka iyo qawaaniinta u yaalla Jamhuuriyadda Somaliland. Sarreynta sharciga iyo ilaalinta xuquuqul insaanku waa astaamihii ay Somaliland kaga sarraysey gobolka, waana inaan marnaba laga tanaasulin mabaadi'daas.
‎
‎Gunaanadkii, Somaliland waxay u baahan tahay dhiiranaan diblamaasiyadeed si ay fagaarayaasha caalamka uga dhex muuqato, laakiin dhiiranaantaas dibedda ah waa inay weheliso bisayl siyaasadeed iyo dulqaad gudeed. Waa in mar kasta si miisaaman loo dhowro dheelitirka u dhexeeya Danta Qaranka (National Interest) iyo Xorriyadda Shakhsiga (Individual Freedom)”
‎
‎Qore: Fu'aad Badmaax.

Hadalka Wasiirka Arimaha Gudaha JSL Waa Shaqsi Weerar( Personal Attack)

Garyaqaan Guleed Dafac waa Muwaadin Aqoon-yahan ah oo Calankiisii hoos-jooga, Meel uu Aqoonsiga iyo Qaranimada kaga hor yimi-na Ma jirto.

Waxa la yaab ah in Wasiirkii Arimaha Gudaha iyo Amniga Dalku Warbaahinta ugu yeedho si hanjebaad iyo shaqsi Weerar U soo gud-biyo isagoo Cadho ka Muuqato.

Shacab iyo Xakuumad Sharciga Dalka Cid ka Weyn Ma jirto.

Xakuumada Maanta Joogtaa Waxa ay ku mashquul-san tahay Dhaqaale Urursi iyo Musuq-maasuq.

Xakuumadani Waa xakumadii Ugu horaysay ee lunsata Mushaharka Shaqaalaha Dawlada, Waa kuwaa Shaqaalihii Dawlada iyo Fanaaniintii Qaranku Warbaahinta la wadaagaya Qarashaadkii Yaraa ee hawl-maal-meedkooda 18 May ee laga lunsaday.

Xakuumadani Jid xun bay qaaday Cimrigeeduna Waa soo gaaban-doonaa. Waxana Sabab u ah Xubnaha iyo Xakuumada Xalka ah ee aan khibrada Dawladnimo iyo Aragtida Siyaasadeed Mid-na aan lahayn ee Maddaxweyne Cabdiraxmaan Cirro Cugtay.

Dr. Maxamuud Saleebaan Ducaale

“Way dhici kartaa in aanan kula qabin fikirka aad qabto, laakiin waxaan u dhimanayaa difaacidda xaqa aad u leedahay inaad sheegto.” xasan dahir weedhsame

-Voltaire

Guuleed Dafac, lama qabo aragtidiisa qusaysa halka laga furayo safaarada Somaliland, balse waan ku difaacayaa xaqa uu u leeyahay inu aragtidiisa ka dhiibto masiirka siyaasiga ah ee dalkiisa, waana qalad in la isku dayo in loo cago-jugleeyo ama la handadaa.

"Sagaalkii qof ee hadlay ee qaranka eedeeyay waxa ay ku jiraan sidoo kale ciidammada dalka"

Agaasimaha guud ee wasaaradda warfaafinta JSL.

Agaasimaha Guud Ee Warfaafinta Oo Hadda Warbaahinta la hadlay.