DLDOM TV 2

المحاميد النجعة أولاد المجغوم علي يعقوب يرسلون رساله نارية للماهري المعرد محمد إبن المجغوم أحمد حريبات 🔥🔥 مزيد من التصعيد

كان مصاب والآن عض سنينات ولحق غنم زهراء
البعدو

الصفحة رجعت
جيناكم تاني يا امخيخات

قحا-تة يا س #جم الرماد رم+م

بما أنكم بتحبو الزول البكذب و بنافق و بطلس ليكم خلوني أقول ليكم يا سودانيين في الشمال و الشرق و الغرب و الوسط اجدادنا ديل لا في زول جاء بلاهم ، لا في زول إستعمرهم لا في زول شردهم لا في زول استخدهم كبضاعة لا غيروا اجدادنا كانوا 💪

درسنا في التاريخ انو محمد علي باشا دخل السودان بحثا عن حاجتين الذهب و الرجال طيب ممكن تقولوا لي ببحث عن الرجال كيف و لشنو ؟؟؟ 🙃
هوي أركبو عديل بطلوا طلس مافي زول فيكم يتعالي علي زول و مافي وسطكم سيد علي اخوهو الناس تبطل نفخة كضابة و تخت الكورة واطة و ترمي قدام ...

بعدين في نوع بفتخر بالزبير رحمة كانو صحابي مع إنو كان مجرم و فلقاي بتاع ميتعمر ساي
و نوع آخر بفتخر بالتعايشي مع انو برضو كان مجرم و فلنقاي برضو بس قدر وصل درجة فلنقاي حاكم
تفضل افعالهم تجرم و لا يمثلوا إلا تاريخهم الإجرامي و اي زول بفتخر بواحد منهم يبقي مجرم زيهم مع إنو التعايشي فعل إجرام أكتر من الزبير ...

يا سودانيين هوي فتحو عيونكم و اركبوا عديل لو درتو و لا أبيتو اجدادنا كانوا بضاعة للاتراك و الإنجليز مافي زول يطلع يتفاخر و يعمل لينا فيها سيد ، اليوم دا معظمنا لاجئين و مشردين زي ما إتشردوا اجدادنا لامن جاهم المحتل الأجنبي زمان ...

يلا بما إنكم كاسرين حنك تنمية و تقدم و بلد و أي زول ماسك في جدو و تاريخو و نحنا أفضل و إنتو أفضل يلا هاكم تاريخكم وقت الناس تهتم بمواضيع تانية ممكن نغير علي حسب الإهتمامات
خلو أجدادكم اليضاعة ديل و تاريخهم ينفعوكم و بل بس

قسما بالله أتمني الجيش دا يقيف ما يحارب و يمسح الفات
من حرب 15 أبريل دا كلو و نبدأ من أول و جديد بس قبل داك
لازم نحنا السودانيين القاعدين في الخارج ديل كلنا يرجعونا
البلد بعد داك يخلو الملاقيييييط ديل يبلونا علشان إحتمال تفهم

قول الحقيقة دا الشئ الوحيد الممكن يودينا لقدام ولو كان بوجع
و بل بس
تصبحوا علي خير ✋

🫣 علاء الدين

اصبحنا مقرفين نهرب عن واقعنا ولا أعمم ، أصبحنا نحب
من يكذب علينا و نكره من يقول لنا الحقيقة المجردة كما هي
ولا أعمم
أصبحنا نحب الجري وراء الفارغين و الفارغات ولا أعمم ، ندعم السلبيين و السلبيات ولا أعمم ، ، نحب البوبار حتي لو كنا نازحين
او ساكنين بيت إيجار ولا أعمم .

بقينا قوالين و قوالات ولا أعمم ، أشباه الرجال وسط المجتمع بقوا سواطين أكتر من الملعقة ولا أعمم ، بقينا تافهين و بتاعين بوبار
و نفخة كضابة ساي ولا أعمم .

تتفشي فينا القبلية و المناطقية و الجهوية ولا أعمم ، قليل منا من يحب السودان بحق ولا أعمم ، داخل كتار مننا حرامي و عميل لو
وجد الفرصة لباع البلد لأقرب مشتري ولا أعمم .

نبحث عن المجد و نعمل جاهدا حتي يتحدث الأخرين عنا بشكل طيب و دا سبب من أسباب كثرة الكذب ولا أعمم ، كتار مننا لابسين اقنعه علشان يرضونا كذبا و نفاقا ولا أعمم .

بقينا نتقبل السب و الشتم بصدر رحب بل ندعموا و أديناهو إسم دلع ( ردم ) ولا أعمم ، أصبح من يجاهر بالمعاصي نجم مجتمع يجد كل الدعم ولا أعمم .

نحترم الغريب و نهين القريب ولا أعمم ، بقينا ما حقيقين ولا أعمم
نتفاخر بتاريخ معظموا كذب و حشوا ولا أعمم ، نناصر زولنا ولو كان غلطان ولا أعمم .

بنحب البطبطب علينا و بنكره البدينا بالمليان ولا أعمم ، نتفاخر بأمجاد الأخرين ( الأجداد ) و واقعنا اسوأ من السوء ولا أعمم

البواجهنا بحقيقيتنا ننبذو و نبغضوا و البغشنا نرفعوا فوق و نكرموا ولا أعمم ، نحنا بتاعين شعارات كلام كتير و فعلنا قليل ولا أعمم

نحب الألقاب زي أستاذ ، سعادتك ، جنابو ، دكتور و علي هذا الأساس ممكن نمنح إمتيازات مجتمعية حتي لو كنا في الواقع نحنا ناس دقلو ساي ولا أعمم .

هو البلد ذاتو ما ضيعوا إلا ناس دكتور فلان و دكتورة فلانة ، فليس كل من سبق أسمه حرف ( الدال ) دكتور قد يكون ديك ، دكوة ، دجاجة دلوكة ( و ما أكثرهم ) و ممكن يكون دقلو ساي .

كل ما زاد الفرد فينا تعلما و تقلد مراتب في المجتمع أصبح حقود حسود عميل خائن أناني ولا أعمم .

أزمة السودان في الإنسان و خصوصا ( المثقف اللاواعي ) حامل الشهادات العليا ولا أعمم ، اذا صلح صلح حالنا .

أول خطوة في حل أي مشكلة هو الإعتراف بوجودها بكل شجاعة و تجرد ثم مواجهتها قبل الشروع في الحل لأنو النكران و الهروب الي الأمام عمرو ما كان حل .

✍️ علاء دلدوم

يمكنكم متابعتنا في الصفحة الإحتياطية

الشفافيه و الوضوح و الصدق و قول الحق و الثبات علي المبادئ من أصعب الأشياء و المشكلات التي قد تواجهها في مجتمع يحب التلميع و يهرب من مواجه الواقع ولا يتقبل حتي ذاته .

ياخ من شدة طلس المجتمع و فراغوا ماشين قاعدين مليون نفر نساء و رجال في صفحة زول/ه علشان ( يضحكهم ) و في صفحات أخري علشان يسمعوا نميمة و قطيعة و أسرار بيوت تحت مسمي ( شمار )

مليون ( اب جيقة ) قاعدين في صفحة زولة مدوراهم ( بصلبها )
تخيل زول يشتري تلفون و يعمل نت و يخش الميديا علشان هز
وسط نحنا تافهين شديد قسما بالله ولا أعمم .

نهرب عن الحقيقة في مجتمع أصبح بعض رجاله يهرولون خلف
تياب و ( ارداف) فنانات و مطلوقات الميديا و نساءه المتعلمه
فيهم قبل الجاهله قمه طموحها حنه و إقتناء دهب و لبس تياب فاخرة تشبها بالفنانه ( فلانه ) ولا أعمم .

صوت الدلوكة هو أعلي و أهم صوت يحرك الكبير قبل الصغير
الغني قبل الفقير نتهز و نتخج و نتمج ( حتو ، حتينا ، حتيتو )
ولا أعمم .

والله والله ما نستحق الشباب الفي الميدان ديل يضحوا بحياتهم علشانا ولا أعمم ،
صدق من قال لو عاوز تقول الحقيقة في الزمن دا خت عكازك جنبك
تظل أزمة السودان في الكائن اب رويس الأسموا ( زول ) دا

✍️ علاء دلدوم