Afsoos Tv

سوات(نثارباچہ سے)سوات ٹریڈرز فیڈریشن کے صدر عبدالرحیم نے اکاخیل ویلفیئر آرگنائزیشن کا باقاعدہ افتتاح کر دیا۔ افتتاحی تقریب میں ترجمان ڈاکٹر خالد محمود خالد، حاجی زاہد خان، عبداللہ خان، نعیم خان سمیت اکاخیل برادری سے تعلق رکھنے والے افراد نے کثیر تعداد میں شرکت کی۔تقریب سے خطاب کرتے ہوئے کلاتھ یونین کے صدر عبداللہ خان نے کہا کہ اکاخیل قوم نے 1965 کی جنگ میں بھرپور کردار ادا کیا اور قومی خدمات میں نمایاں حصہ لیا۔ انہوں نے حکومت پاکستان سے مطالبہ کیا کہ اکاخیل قوم کو فوری طور پر نیشنلٹی فراہم کی جائے تاکہ ان کے دیرینہ مسائل حل ہو سکیں۔سوات ٹریڈرز فیڈریشن کے صدر عبدالرحیم نے اپنے خطاب میں کہا کہ اکاخیل ویلفیئر آرگنائزیشن کا قیام ایک خوش آئند اقدام ہے، جس سے غریب، نادار اور مستحق افراد کی حوصلہ افزائی اور مدد ممکن ہو سکے گی۔ انہوں نے کہا کہ اکاخیل ایک محنتی اور کاروباری قوم ہے جو ملکی معیشت میں اہم کردار ادا کر رہی ہے۔عبدالرحیم نے اپنے خطاب میں موجودہ معاشی اور سماجی مسائل پر بھی تفصیلی روشنی ڈالی اور کہا کہ فلاحی تنظیموں کو چاہیے کہ وہ معاشرے کے کمزور طبقات کی خدمت کو اپنا اولین مقصد بنائیں۔تقریب سے ترجمان ڈاکٹر خالد محمود خالد اور حاجی زاہد خان نے بھی خطاب کیا۔ مقررین نے اکاخیل ویلفیئر آرگنائزیشن کے قیام کو برادری کی فلاح و بہبود اور سماجی ترقی کی جانب ایک اہم سنگ میل قرار دیتے ہوئے امید ظاہر کی کہ یہ ادارہ مستحق افراد کی خدمت اور ان کے مسائل کے حل میں مؤثر کردار ادا کرے گا۔