Akhtar Rabbit & Goat Farm

چھوٹے بچوں کو سردی اور ٹھنڈے، سخت اور گیلے فرش سے بچائیں

جن جانوروں نے کچھ دن پہلے بچہ دیا ہے اور جنہوں نے اگلے کچھ دنوں میں بچہ دینا ہے دونوں طرح کے جانوروں کے نیچے بھی پرالی، براده، یا کسی بھی فصل کی باریک باقیات وغیرہ ضرور ڈالیں

چھوٹے بچوں کا جسم اور پیٹ جب زیادہ ٹھنڈے فرش پر رہتا تو بچہ اپنے جسم کی توانائی ٹھنڈے موسم میں اپنے آپ کو گرم رکھنے کے لیے زیادہ استعمال کرتا ہے اور کمزور ہوجاتا ہے

جب جانور کو زیادہ ٹھنڈ لگتی ہے اور جسم میں توانائی کم ہو تو جانور کا ٹمپریچر کم ہونے لگتا ہے, جس کو ہائپو تھرمیا کہتے ہیں

نو مولود بچوں کا ایک اور مسلہ ہوتا ہے کہ پیدائش کے پہلے چند دنوں میں یہ اپنے جسم کا درجہ حرارت خود سے برقرار نہیں رکھ سکتے ہائپوتھیلمس دماغ کے مرکز میں ایک ایسا حصہ ہے جس کا بنیادی کام جسم کا توازن رکھنا ہوتا ہے (ہومیوسٹاسس) اور نومولود بچوں میں دماغ کا یہ حصہ ٹھیک سے کام نہیں کرتا، تقریباًًً دو ہفتے بعد بچہ اس قابل ہو جاتا ہے
تو جسم کا درجہ حرارت کم ہو جانا چھوٹے بچوں میں اموات کا سب سے بڑا موجب ہے

چھوٹے بچوں کو کم از کم 6 انچ موٹی تہہ پرالی کی بنا کر دیں۔ اور جہاں پر فضلہ ہو اور گیلی ہو وہ اگلے دن ہی اٹھا دیں۔

بچوں کو رات دیر میں بھی دودھ پلائیں اور صبح پھر جلدی بھی، دودھ کی مقدار بے شک کم رکھیں, لیکن دودھ زیادہ بار پلائیں، آج کل کے موسم میں کم از کم چار بار دودھ پلائیں

بچوں کو جتنی جلدی ہو سکے کاف سٹارٹر (بچوں کا ونڈا) پر لگائیں تاکہ زیادہ سے زیادہ توانائی حاصل کریں اور موسم کی سختی سے بچ سکیں

چھوٹی چھوٹی باتوں پر ہم اکثر تھوڑا ہی دھیان دیتے ہیں لیکن یہ بہت زیادہ ضروری ہوتی ہیں ،

پوسٹ کو شئیر کردیا کریں تاکہ چھوٹی سی بات بھی زیادہ لوگوں تک پہنچ جائے۔
تحریر Ayesha Zahoor