Inam Zeb Offical

(((صوابی تحصیل رزڑ کے پہاڑیوں تیز آگ میں اضافہ / ریسکیو کی رسائی ناممکن/ رزاکاروں کی ناکامی )))

صوابی: تحصیل رزڑ کے علاقوں شیردرہ اور مہرعلی کی پہاڑیوں پر اچانک لگنے والی آگ نے وسیع رقبے کو اپنی لپیٹ میں لے لیا، جس کے نتیجے میں قیمتی لکڑی، جنگلی حیات، جانوروں اور پرندوں کو شدید نقصان پہنچا ہے۔ آگ تیزی سے مختلف پہاڑی حصوں تک پھیل رہی ہے جس سے قدرتی ماحول اور سبزہ بھی بری طرح متاثر ہورہا ہے۔

مقامی ذرائع کے مطابق آج صبح سے تقریباً 200 سے زائد رضاکار آگ بجھانے میں مصروف ہیں، تاہم دشوار گزار پہاڑی راستوں اور تیز ہواؤں کے باعث آگ پر قابو پانے میں شدید مشکلات کا سامنا ہے۔ تیز ہوائیں آگ کی شدت میں مسلسل اضافہ کررہی ہیں جس سے صورتحال مزید سنگین ہوتی جارہی ہے۔

علاقہ مکینوں نے متعلقہ اداروں، ریسکیو ٹیموں اور ضلعی انتظامیہ سے فوری اور مؤثر اقدامات کا مطالبہ کرتے ہوئے کہا ہے کہ اگر بروقت کارروائی نہ کی گئی تو آگ مزید علاقوں تک پھیل سکتی ہے، جس سے بڑے پیمانے پر قدرتی نقصان کا خدشہ ہے۔