Khan Animals Form

جانوروں کیلیے نمک کی اہمیت

نمک انسانوں، پودوں اور جانوروں کی صحت کیلیے خوراک کا ایک لازمی جز ہے۔ نمک سوڈیم اور کلورائیڈ سے بھرپور ایک ایسا ٹانک ہے جس میں جانوروں کیلیے بہت زیادہ فائدے پنہاں ہیں۔ اس کے ساتھ جانور کی صحت کیلیے کچھ اور لازمی منرلز جیسے کیلشیم، میگنیشیم، فاسفورس،سیلینیم،آئرن اور زنک کی بھی نمک میں موجودگی اسکی اہمیت کو مزید بڑھا دیتی ہے۔
دودھ دینے والے جانوروں کو روزانہ دودھ بنانے کیلیے نمک کی ضرورت پڑتی ہے کیونکہ دودھ میں موجود سوڈیم اور کلورائیڈ جانور کے جسم میں دودھ بنانے کے عمل کے دوران نمک کی ضرورت کو بڑھا دیتے ہیں۔ اس کے ساتھ ساتھ دودھ دینے والے جانوروں اور کٹڑوں بچھڑوں میں نمک سے حاصل ہونے والی کیلشیم کی ایک خاص اہمیت ہے جو کی مظبوط ہڈیوں اور دانتوں کی بہتر نشونما کیلیے انتہائی ضروری ہونے کے علاوہ ہارٹ بیٹ کو نارمل رکھنے، خون کو جمنے سے بچانے، مسلز کی حرکت اور جانور کے اعصابی اور دماغی نظام کو کنٹرول کرنے میں مددگار ثابت ہوتا ہے۔
اس کے ساتھ ساتھ سوڈیم جانور کے وجود کی تیزابیت یا اساسیت کو کنٹرول کرتا ہے اور کلورائیڈ نظام انہظام کو کنٹرول کرنے کے ساتھ خون میں موجود تیزابیت کو بھی کنٹرول میں رکھتا ہے۔

نمک کی کمی کے نقصانات کیا ہیں؟

بظاہر عام اور سستی سی لگنے والی اس نعمت کو اگر اہمیت نہ دی جائے اور جانور کی خوراک کا لازمی حصہ نہ بنایا جائے تو اس سے بہت سے نقصانات اور مسائل جنم لیتے ہیں۔
1۔ دودھ کی پیداور میں نمایاں کمی۔
2۔ بھوک کا کم ہوجانا۔
3۔ وزن کا نہ بڑھنا۔
4۔ کیلشیم کی کمی کی وجہ سے مِلک فیور کا خطرہ پیدا ہونا۔
5۔ چھوٹے کٹڑوں اور بچھڑوں کا ہڈیوں کی کمزوری کی وجہ سے نشونما نہ پانا اور پولیو کا شکار ہوجانا۔
6۔ نمک کی کمی، جسم میں شدید پانی کی کمی کا بھی باعث بن جاتی ہے جس وجہ سے ڈی ہائیڈریشن کا خطرہ بھی بڑھ جاتا ہے۔
7۔ جانور کاغیر ضروری چیزوں جیسے مٹی، کپڑوں رسی وغیرہ کا کھا کر کمزور ہوجانا۔ اس کے علاوہ بار بار پشاب کرنا بھی نمک کی کمی کی ایک نشانی ہے۔
8۔ جانور کا اپنا پیشاب پینا بھی جانور میں نمک کی کمی کو ظاہر کرتا ہے۔
9۔ بعض اوقات جانور فوڈ پوائزننگ کا شکار ہو جاتا ہے جسکی وجہ جسم میں میگنیشیم کی کمی کا ہونا ہے نمک کی موجودگی اس مسئلے کی روک تھام اور بچائو میں اہمیت کی حامل ہے۔

نمک کے فوائد کیا کیا ہیں؟

1۔ دودھ کی پیداور میں قابل قدر اضافہ۔
2۔ اپھارے سے محفوظ رہنا۔
3۔ جانور کے کھروں اور سینگوں کا مظبوط ہونا۔
4۔ جانور کی بچے پیدا کرنے کی صلاحیت میں اضافہ ہونا۔
5۔ جانور کا مناسب وقت پر ہیٹ میں آنا جس سے جانور میں وقت پر بچہ جننے کی صلاحیت کا پیدا ہونا۔
6۔ خوراک کا اچھی طرح ہضم ہو کر جسم کا حصہ بننا۔ وغیرہ
پاکستان کے ہر علاقے سے ملنے والے نمک کے پتھر کی، ہر وقت کھرلی یا جانوروں کے سامنے موجودگی نہ صرف کسانوں کو بہت ساری پریشانیوں سے محفوظ رکھ سکتی ہے بلکہ مویشی پال بھائیوں کو دوائیوں اور علاج پر اٹھنے والے اخراجات سے بھی بچا سکتی ہے۔ اس کے علاوہ بغیر کسی اضافی اخراجات کے دودھ میں قابل قدر اضافہ، آمدن میں اضافے کا بھی سبب بن سکتی ہے۔۔

قربانی کے بکروں کا قد کاٹھ،گوشت،چمک اور ہاضمہ بڑھانے کیلئے بہترین اقدامات

1) چارہ رسی سے باندھ کر لٹکا کر رکھیں،اس سے جانور اپنی گردن اوپر کر کے کھائے گا،ورزش ہو گی اور قد بڑھے گا۔
2)میٹابولیز 5ایم ایل زیر جلد فی جانور ہفتے میں ایک بار 2ماہ تک لگاتار لگائیں۔اس سے جانور کا نظام انہضام تیز ہو جائے گا جو گوشت کی پیداوار بڑھانے میں بہت مفید ثابت ہو گ
3)Inj.ADEKA 5cc
گوشت میں ہفتے میں ایک بار 2 ماہ تک لگاتار لگائیں اس سے جانور میں وٹامنز کی کمی پوری ہوگی جس سے جانور کے جسم میں چمک اور خوبصورتی آئے گی اوربال نئے آ جائیں گے۔
4)جانور کو ہمیشہ کھلا چھوڑیں اور وافر مقدار میں 24 گھنٹے پانی کی فراہمی یقینی بنائیں۔
5)ٹھنڈے ٹائم جانور کو نہلانے کا انتظام کریں، اس سے جانور کی صحت ٹھیک رہے گی۔
6)جانور کو خوراک ہمیشہ ایک مقدار میں ڈالیں۔ذیادہ اور بلا وجہ خوراک کھانے سے جانور کی صحت الٹا خراب ہو جاتی ہے۔

اس پوسٹ کا مقصد کسی بھی کمپنی کی تشھیر کرنا نہیں ہے۔سٹور سے اسطرح کی جو مرضی چاہیں دوائی لے لیں،لہذا کمنٹ میں ریٹ مت پوچھیں۔
اپنی قیمتی رائے ضرور دیں تاکہ باقی لوگوں کی معلومات میں اضافہ ہو۔
پوسٹ کو شیئر ضرور کریں۔شکریہ

ماشاللہ 😘