Quetta Street

بیان

کوئٹہ کے علاقے اکرم ہسپتال کے قریب ٹریفک انسپکٹر شہباز درانی کی جانب سے رکشہ ڈرائیوروں کے خلاف مبینہ طور پر بلاجواز چالان کرنے کی شکایات موصول ہو رہی ہیں۔ غریب محنت کش رکشہ ڈرائیوروں کا کہنا ہے کہ سواری اتارتے ہی ان سے کاغذات لے کر فوری چالان کیا جاتا ہے، جس سے وہ شدید پریشانی کا شکار ہیں۔

ڈی آئی جی صاحب سے مطالبہ ہے کہ ان شکایات کا نوٹس لیتے ہوئے معاملے کی شفاف تحقیقات کرائی جائیں اور اگر کسی قسم کی زیادتی ثابت ہو تو متعلقہ اہلکار کے خلاف کارروائی عمل میں لائی جائے، تاکہ عوام اور ٹریفک پولیس کے درمیان اعتماد برقرار رہے۔

ڈاکٹر ماہ نور ناصر سے متعلق آغا خان ہسپتال کراچی کی ابتدائی رپورٹ حوصلہ افزا ہے

رپورٹ کے مطابق ان کا تقریباً 13 فیصد جسم متاثر ہوا ہے جبکہ ایک آنکھ متاثر ہوئی ہے جس کے علاج کے امکانات موجود ہیں

اللہ تعالیٰ ڈاکٹر ماہ نور ناصر کو جلد از جلد مکمل صحت یابی عطا فرمائے اور انہیں صحت کاملہ نصیب کرے آمین۔

کوئٹہ میں پیٹرول کی قیمتیں عروج پر، عوام شدید پریشان

کوئٹہ میں پیٹرول کی قیمتوں میں غیر معمولی اضافے کے باعث شہری شدید مشکلات کا شکار ہیں۔ ایرانی پیٹرول کی سپلائی بند ہونے کے بعد شہر کے تقریباً 95 فیصد وہ پمپ بند ہو چکے ہیں جو پہلے ایرانی پیٹرول کے ساتھ پاکستانی پیٹرول بھی فروخت کرتے تھے۔

شہریوں کے مطابق ایرانی پیٹرول کی بندش کے بعد بعض مقامات پر پیٹرول من مانے نرخوں پر فروخت کیا جا رہا ہے۔ آغا سراج کمپلیکس کے سامنے قائم بعض پمپس پر پاکستانی پیٹرول مبینہ طور پر 550 روپے فی لیٹر تک فروخت کیا جا رہا ہے، جس سے عوام میں شدید تشویش پائی جاتی ہے۔

شہریوں کا کہنا ہے کہ پیٹرول کی قلت اور قیمتوں میں بے تحاشا اضافے نے روزمرہ زندگی کو متاثر کر دیا ہے، جبکہ متعلقہ اداروں کی جانب سے مؤثر کارروائی نظر نہیں آ رہی۔ عوام نے ضلعی انتظامیہ اور متعلقہ حکام سے مطالبہ کیا ہے کہ پیٹرول کی فراہمی کو یقینی بنایا جائے اور منافع خوری میں ملوث عناصر کے خلاف فوری کارروائی کی جائے تاکہ شہریوں کو ریلیف مل سکے۔

پہاڑوں کے دامن میں بسا ہوا ایک خوبصورت شہر ہے، جسے "پھلوں کا باغ" بھی کہا جاتا ہے۔ یہاں کی سرد ہوائیں، بلند پہاڑ اور مہمان نواز لوگ اس کی پہچان ہیں۔
کویٹہ کے محنت کش لوگ اس شہر کی اصل طاقت ہیں۔ سخت سردیوں، گرمیوں اور مشکل حالات کے باوجود وہ روزی کمانے اور اپنے خاندان کی بہتر زندگی کے لیے مسلسل جدوجہد کرتے ہیں۔ انہی کی محنت سے بازار آباد رہتے ہیں، سڑکیں چلتی ہیں اور شہر کی رونق برقرار رہتی ہے۔
ایک بزرگ مزدور سے کسی نے پوچھا: "آپ روز اتنی محنت کیوں کرتے ہیں؟"
وہ مسکرائے اور بولے: "محنت صرف روٹی کے لیے نہیں، عزت اور آنے والی نسلوں کے بہتر مستقبل کے لیے بھی ہوتی ہے۔"
مختصر پیغام:
"کویٹہ کے پہاڑ اس کی خوبصورتی ہیں، لیکن اس کے محنت کش لوگ اس کی اصل عظمت ہیں۔"

31 مئی کی رات کوئٹہ کے ڈاکٹر بانو چوک پر ایک شخص سیڑھی سے گر کر شد*ید زخمی ہوگیا۔ سر پر گہر*ی چو*ٹ کے باعث وہ خو* ن میں لت پت تھا، مگر بیشتر لوگ ہمیشہ کی طرح تماشائی بنے رہے۔
اسی دوران ایک باہمت رکشہ ڈرائیور نے انسانیت کا ثبوت دیتے ہوئے زخمی کو فوری سول ہسپتال ٹرامہ سینٹر پہنچایا، لیکن افسوس کہ مدد کرنے والے اسی شخص کو پولیس کارروائی کے باعث گھنٹوں ہسپتال اور بعد ازاں تفتیشی مراحل میں الجھنا پڑا۔
سوال یہ ہے کہ اگر کسی کی جان بچانے کی کوشش کرنے والے کو ہی مشکلات کا سامنا کرنا پڑے تو آئندہ کون کسی زخمی یا بے سہارا انسان کی مدد کے لیے آگے بڑھے گا؟
ایک مہذب معاشرے میں انسانیت کی خدمت کرنے والوں کی حوصلہ افزائی کی جاتی ہے، نہ کہ انہیں ایسی پریشانیوں میں ڈالا جاتا ہے جو دوسروں کو نیکی سے روک دیں۔
پولیس کو یہ طریقہ کار بدلنا ہوگا۔