Local Tell Promoter

سندیلے والا میں واپڈا کی مبینہ غفلت، قیمتی جانیں خطرے میں؟
سندیلے والا کے مکینوں نے واپڈا پر شدید غفلت کا الزام عائد کرتے ہوئے کہا ہے کہ بجلی کے کھمبوں سے لٹکتی تاریں زمین سے محض تین سے چار فٹ کی بلندی پر موجود ہیں، جس کے باعث انسانی جانوں اور مویشیوں کو شدید خطرات لاحق ہیں۔ مقامی افراد کے مطابق گزشتہ دس دنوں میں کئی جانور کرنٹ لگنے سے متاثر ہوئے جبکہ آج ایک غریب کسان بھی کرنٹ کی زد میں آ گیا، تاہم خوش قسمتی سے اس کی جان بچ گئی۔
علاقہ مکینوں کا کہنا ہے کہ متعدد بار شکایات کے باوجود مسئلہ حل نہیں کیا جا رہا اور واپڈا حسبِ معمول خاموش تماشائی بنی ہوئی ہے۔ عوام نے سوال اٹھایا کہ کیا سندیلے والا کے لوگ انسان نہیں، اور ان کی جانوں کی کوئی اہمیت نہیں؟
اہلِ علاقہ نے اسسٹنٹ کمشنر سے فوری نوٹس لینے اور ہنگامی بنیادوں پر خطرناک تاروں کی مرمت کروانے کی اپیل کی ہے تاکہ کسی بڑے سانحے سے پہلے قیمتی انسانی جانوں کو محفوظ بنایا جا سکے۔

Allah maaf kraa bs accident