Informative Learning

کولمبیا یونیورسٹی کا ایک طالبعلم ریاضی کی کلاس میں سو گیا۔ جب آنکھ کھلی تو طلباء کی آوازیں آ رہی تھیں کہ لیکچر ختم ہو چکا تھا۔

اس نے دیکھا کہ پروفیسر نے تختہِ سیاہ پر دو سوال لکھے ہوئے ہیں۔ اس نے سوچا کہ یہ یقیناً ہوم ورک کے سوالات ہوں گے۔ اس نے جلدی سے دونوں سوال اپنی کاپی میں نقل کر لیے تاکہ گھر جا کر حل کرے۔

جب اس نے ان پر کام شروع کیا تو پایا کہ یہ سوالات انتہائی مشکل ہیں مگر وہ ہمت نہ ہارا۔ لائبریری گیا، کتابیں کھنگالیں، حوالہ جات دیکھے، اور مسلسل کوشش کرتا رہا، یہاں تک کہ بڑی مشکل سے ان میں سے ایک سوال حل کر لیا۔

اگلی کلاس میں، اس نے حیرت سے دیکھا کہ پروفیسر نے پچھلے لیکچر کے ہوم ورک کے بارے میں کوئی بات ہی نہیں کی!
اس نے پوچھا: "سر! آپ نے پچھلی کلاس کا ہوم ورک چیک ہی نہیں کیا جو آپ نے آخر میں بورڈ پر لکھا تھا؟"

پروفیسر نے حیرت سے کہا: "ہوم ورک؟ وہ ہوم ورک نہیں تھا۔ میں نے تو صرف چند ایسی مثالیں دی تھیں جنہیں ابھی تک دنیا کے بڑے بڑے ریاضی دان بھی حل نہیں کر سکے!"

طالبعلم حیرت سے بولا:
"لیکن میں نے ان میں سے ایک سوال چار صفحات میں حل کر لیا ہے!"

بعد میں اس سوال کا حل کولمبیا یونیورسٹی میں باقاعدہ رجسٹر کیا گیا اور آج تک وہ حل اس طالبعلم کے نام سے جانا جاتا ہے۔

وہ چار صفحات آج بھی یونیورسٹی میں محفوظ ہیں۔

یہ طالبعلم بعد میں ریاضی کے عظیم ماہر بنے: "جارج دانتزِگ (George Dantzig)"

انہوں نے صرف اس لیے یہ مسئلہ حل کر لیا، کیونکہ انہوں نے یہ نہیں سُنا تھا کہ:
"یہ سوالات آج تک کوئی حل نہیں کر سکا!"

انہوں نے خود کو یہ یقین دلا دیا کہ ان کا حل ممکن ہے۔
اور جب مایوسی کے بغیر کوشش کی…
تو وہ انہیں حل کرنے میں کامیاب ہو گئے۔

کبھی کسی کی یہ بات نہ سنو کہ "تم نہیں کر سکتے!"

تم سب کچھ کر سکتے ہو، چاہے حالات کتنے ہی مشکل کیوں نہ ہوں ان شاء اللہ۔

میٹرک سالانہ امتحانات 2025 رمضان کے اختتام تک مؤخر کر دیے گئے ہیں۔ یہ امتحانات اب 5 مارچ کے بجائے 8 اپریل سے شروع ہوں گے۔ اسی طرح، انٹرمیڈیٹ سالانہ امتحانات 8 مئی سے منعقد کیے جائیں گے۔

*ایمبولینس کو راستہ دیں مہم۔*

ریسکیو1122 ایمبولینس ایمرجنسی کال موصول ہونے کے فوراً بعد آپکی مدد کیلئے روانہ ہو جاتی ہے۔

اس دوران اکثر لوگ خالی ایمبولینس کو سائرن بجاتا دیکھ کر راستہ نہیں دیتے ۔

ریسکیو ایمبولینس اکثر کسی کی جان بچانے یا حادثے کی جگہ پر ریسکیو کرنے جا رہی ہوتی ہے۔

اس لیے *ایمبولینس کو راستہ دیں* کیونکہ ہوسکتا ہے یہ ایمبولینس آپکے کسی پیارے کی زندگی بچانے کیلئے جا رہی ہو۔

کہیں ایسا نا ہو کہ خالی ایمبولینس کا راستہ روک کر آپکو زندگی بھر پچھتانا پڑے۔

نوٹ؛ اس پیغام کو عوام کی فلاح کیلئے ریسکیو1122 صوابی کی جانب سے چلایا جا رہا ھے ۔

اس پیغام کو زیادہ سے زیادہ شہئر کریں اور صدقہ جاریہ کمائیں ۔

لقمان خان
میڈیا کوآرڈینیٹر ریسکیو 1122 صوابی