Khawar Chishti

پروانے کو چراغ ہے، بلبل کو پھول بس
صدیقؓ کے لیے ہے خدا کا رسولﷺ بس۔

#22 جمادی الآخر
#یومِ وصال صدیقِ اکبرؓ

وہ دل کہ جس میں خُدا مکیں ہے
وہ دِل دُکھاؤ تو یاد رکھنا!
کِسی کی آنکھوں میں درد پا کر
جو مُسکراؤ تو یاد رکھنا!
جو ہار بیٹھا ہو تُم پے سب کُچھ
اُس آدمی سے
جو خُود پرستی میں جیت جاؤ تو یاد رکھنا!
کسی کے غم پر جو بےحسی ہو
اور اس گھڑی جشن تم مناؤ تو یاد رکھنا!
بدن کی خستہ عِمارتوں پر
ہوس کا محل گر بناؤ تو یاد رکھنا!
کسی کے چہرے پے فِکرِ دوراں کی سِلوٹوں میں
کِسی سرہانے رکھی ہُوئی بھیگی کروٹوں میں
اُداس آنکھوں کی سُرخ مائل سی تِشنگی میں
لرزتی سانسوں میں ختم ہوتی سی زندگی میں
جو سنگدِلی کا قرار پاؤ تو یاد رکھنا!
کہ دیر ہے پر اندھیر دنیا میں تو نہیں ہے
کہ عرش والا زمین پر بھی تو دیکھتا ہے
وہ دُور بیٹھا کرم تُمہارے
تُمہارے کھاتے میں لکھ رہا ہے
بہت کڑا وہ حِساب کرتا ہے یاد رکھنا ۔۔۔۔۔
تُم اُس کا انصاف بھُول جاؤ ہزار لیکن!!!
بشر کی اپنے ہر ایک لغزش
وہ یاد رکھتا ہے ، یاد رکھنا ۔۔۔۔۔!!