Raah E Raast

حال ہی میں ایک انٹرویو کے دوران وزیر صاحب نے گلہ کیا کہ عوام سولر لگا کر بجلی کے بل 200 یونٹ سے کم رکھ رہے ہیں۔ سردار صاحب، عوام نے یہ قدم عیاشی کے لیے نہیں بلکہ مجبوری میں اٹھایا ہے۔ جب حکومت سستی بجلی دینے میں ناکام رہی، تو لوگوں نے پیٹ کاٹ کر لاکھوں روپے کے نجی سولر سسٹم لگائے۔ ریلیف دینے کے بجائے عوام کو نشانہ بنانا بند کریں۔ عوام کوئی بے زبان ریوڑ نہیں ہیں جو خاموش رہیں۔ حیرت ہے کہ آپ کو عوام کی چھوٹی سی بچت تو نظر آ گئی، مگر آئی پی پیز (IPPs) کے نام پر جو بند پلانٹس کو اربوں روپے دیے جا رہے ہیں، اس پر چپ سادھ رکھی ہے؟