Breaking Updates

گلگت بلتستان انتخابات پولنگ جاری

جی بی کی 24 نشتوں پر
403 امیدوار انتخابات میں حصہ لے رہے ہیں

جرمنی کے فرینکفرٹ ایئرپورٹ پر مسافروں کی بورڈنگ کے دوران اچانک نوز گیئر گرنے سے نیا بوئنگ طیارہ دھڑام سے زمین بوس ہوگیا۔

بوئنگ 9-787 طیارے نے 5 ماہ قبل لفتھانسا ایئر میں شمولیت کے بعد جنوری میں پہلی پرواز کی تھی۔ جمعرات کو فرینکفرٹ ایئرپورٹ کے برج A15 پر لاس اینجلس کی پرواز LH-450 کی بورڈنگ کیلئے موجود تھا۔ حادثے کے وقت صرف عملے کے ارکان اور زمینی عملہ سوار تھا۔ لفتھانزا ترجمان کے مطابق متعدد افراد کو معمولی چوٹیں آئیں۔

قومی احتساب بیورو (نیب) نے کراچی کے لیاری ایکسپریس وے ری سیٹلمنٹ پروجیکٹ میں مبینہ جعلسازی سے متعلق انکوائری انویسٹی گیشن میں تبدیل کردی۔

لیاری ایکسپریس وے ری سیٹلمنٹ پروجیکٹ میں مبینہ جعلسازی میں اہم پیش رفت ہوئی ہے۔ ذرائع کے مطابق نیب نے جاری انکوائری میں اہم شواہد حاصل کرلیے اور نیب کی جانب سے جاری انکوائری انویسٹی گیشن میں تبدیل کردی گئی۔

نیب ذرائع نے بتایاکہ اگلے مرحلے جعل سازی میں ملوث ملزمان کے خلاف ریفرنس دائر کیا جائے گا۔

نیب ذرائع کے مطابق نیب نے جعل سازی کا شکار افراد کی تلاش شروع کردی، کچھ رئیل اسٹیٹ ایجنٹس اور ایل ای آر پی افسران جعل سازی اور دھوکا دہی میں ملوث ہیں، ملزمان نے غیر قانونی طور پر تیار کردہ پلاٹس فائل فروخت کی ہیں۔

نیب حکام نے کہا ہے کہ جعل سازی کا نشانہ بننے والے شہری نیب کراچی سے رابطہ کریں۔