Karachi Updates

کراچی کے حالات میں بہت کچھ ہوتا ہے جسے خبر کے طور پر پیش کیا جائے مگر کئی بار خبر لگانے کی ہمت نہیں ہوتی جیسے بچے کی خبر لگانے کی ہمت نہیں ہوئی۔

وفاق المدارس العربیہ کے نومنتخب صدر مفتی تقی عثمانی نے اجلاس میں کہا ہے کہ مدارس کی خودمختاری پر سمجھوتہ نہیں کریں گے۔ حکومت قانون کے مطابق مدارس کی رجسٹریشن اور ان کے بینک اکاؤنٹس کھلوانے کا مؤثرا انتظام کرے۔

وزیر محنت و افرادی قوت سندھ سعید غنی کا کہنا ہے کہ متحدہ قومی موومنٹ والے وفاقی حکومت کا حصہ ہیں، اگر وہ چاہیں تو علیحدہ ہو سکتے ہیں۔

صوبائی وزیر نے مزید کہا کہ مشرف دور کا بلدیاتی نظام ایم کیو ایم کو چاہیے، ان کے قائد نے نظام کو غلط کہا اور پھر 2005 میں ہی مئیر بھی بن گئے، جہاں آپ کی حکومت ہے بلدیاتی الیکشن وہاں کروائیں، جو اختیارات ہم دے سکتے ہیں دے رہے ہیں۔

ناظم آباد میں قائم نجی چڑیا گھر سے بیمار شیر کو ریسکیو کر لیا گیا۔

شیر کو جانوروں کے حقوق کے لیے کام کرنے والے افراد نے ریسکیو کیا، جس کی حالت انتہائی تشویشناک تھی اور اسے ہنگامی بنیادوں پر نکالا گیا۔

اینیمل رائٹس ایکٹوسٹ جوڈ ایلن کا کہنا ہے کہ بیمار شیر کی ویڈیوز سوشل میڈیا پر وائرل ہوئی تھیں، نجی چڑیا گھر میں موجود دیگر جانوروں کو بھی منتقل کیا جائے گا

ملیر الفلاح میں بچی جھولے سے گر کر جاں بحق ہوگئی۔

پولیس کا دعویٰ ہے کہ بچی ٹریمپولین پر اچھل کود کے دوران باہر کی طرف گری تھی۔

بچی کے اہل خانہ نے الزام لگایا ہے کہ بچی کو جھولے والے نے سر پر ڈنڈا مار کر قتل کیا۔