Shaheed Foundation Pakistan

جب محرم کا مہینہ شروع ہوتا تو کوئی میرے بابا کو ہنستا ہوا نہیں دیکھتا تھا اور غم و الم اور رنجیدگی ان پر چھائی رہتی تھی۔
اور اسی حالت میں ان کے دس دن گزر جاتے تھے اور جب دس محرم کا دن آتا تو یہ ان کے مصائب، حزن و ملال اور گریہ و زاری کا دن ہوتا پس وہ فرماتے تھے کہ یہی وہ دن ہے جس دن امام حسین ع کو قتل کیا گیا۔
امام جعفر صادق ع
(بحار الانوار جلد 44 ص284)

شھیدِ امت کانفرینس مینارِ پاکستان لاہور
تاریخ: 13 جون 2026

لاہور میں مینارِ پاکستان گراؤنڈ میں 13 جون 2026ء کو منعقدہ "شھیدِ اُمت کانفرنس" کے موقع پر شھید فاؤنڈیشن پاکستان کی جانب سے ایک خصوصی کیمپ قائم کیا گیا۔ اس کیمپ میں پاکستان کے چاروں صوبوں، گلگت بلتستان اور آزاد کشمیر کے شہداء کی تصاویر پر مشتمل ایک منفرد نمائش کا اہتمام کیا گیا، جسے شرکاء نے بے حد سراہا۔
کانفرنس میں پاکستان بھر سے کثیر تعداد میں علماء کرام، دانشوروں، مؤمنین اور مؤمنات نے شرکت کی اور شہداء کی عظیم قربانیوں کو خراجِ عقیدت پیش کیا۔ نمائش کا مقصد شہداء کی خدمات، قربانیوں اور ان کے مشن کو نئی نسل تک پہنچانا تھا۔
یہ کانفرنس امتِ مسلمہ کے اتحاد، باہمی اخوت، اور شہداء کی یاد کو زندہ رکھنے کے لیے منعقد کی گئی، جس میں مختلف مکاتبِ فکر سے تعلق رکھنے والے افراد نے بھرپور شرکت کی۔