My Ghizer

ہمارے بزرگ عالم قاضی نثار صاحب پر حملہ پوری گلگت بلتستان پر حملہ ہے اس بزدلانہ کارروائی کے بعد گلگت بلتستان کے عوام کی جانب سے جو ردعمل آیا یہی اصلی اور خوبصورت چہرہ ہے کہ ہمیں مذہب فرقے کی بنیاد پر تقسیم کرنے والے بھول جاۓ ہم متحد ہیں گلگت بلتستان میں امن کو مشکل سے حاصل کیا گیا ہے، اور اس کا تحفظ ہمارے علماء، سیاسی رہنماؤں اور ہر کمیونٹی سے تعلق رکھنے والی سماجی شخصیات کی انتھک کوششوں کا مرہون منت ہے۔ہر ضلع سے ہر فرقے کے ہر فردنےاس واقعہ کی مزحمت کیا ہےاور یہ جی بی کے عوام کا مشترقہ بیانیہ ہے کہ ہم اپس کےدشمن نہیں ہیں ہمارا دشمن کوئی اور ہے اور ہم مشترکہ تاریخ اور امید سے جڑے ہوئے بھائی بھائی ہیں۔
یہ کسی فرد واحد پر نہیں بلکہ گلگت بلتستان کے امن پر براہ راست حملہ ہے، ہمارے اتحاد کو پارہ پارہ کرنے اور ہمارے خطے کو غیر مستحکم کرنے کی مذموم کوشش ہے۔
ہم اسماعیلی، شیعہ، سنی، نوربخشی اور دیگر تمام لوگ جو گلگت بلتستان کو اپنا گھر کہتے ہیں، ان لوگوں کے خلاف متحد ہیں جو ہمیں تقسیم کرنا چاہتے ہیں۔ پوشیدہ سازشوں کا دور ختم ہو چکا ہے۔ کہ آپ پردے کے پیچھے کچھ بھی کرے اور کسی کو خبر نہ ہو۔ کوئی فریب، کوئی حربہ، کوئی اشتعال کامیاب نہیں ہوگا۔ ہم چوکس ہیں، ہم متحد ہیں، اور ہم اپنے امن کی حفاظت کے لیے پرعزم ہیں۔
ہم اس گھناؤنے واقعے کی شدید ترین الفاظ میں مذمت کرنے کے ساتھ ساتھ قانون نافذ کرنے والے اداروں کو انتبا کرتے ہیں کہ دشت گردوں کو ٹھکانے لگانے کے لیے عمل کو تیز کرے اور مجرموں کو پکڑنے اور سزا دلوانے میں اپنا کردار ادا کرے۔ جان لیں گلگت بلتستان کے عوام ایک ساتھ کھڑے ہیں ، انشاء اللہ، اور ہم دشمن پر غالب آئیں گے۔