Urdu Top Ten Poetry Offical

*دل ترستا ہے تو ترستا رہے
مگر اب تاحیات تجھ سے رابطے کی بھیک نہیں مانگنی 🫠*

> _*وہـی پـھر مجـھے یـاد آنـے لگے*_
> _*جنـھیں بھولنـے میں زمانے لگے*_

ہو نہ دُنیا میں کوئی ہم سا بھی پیاسا لوگو
جی میں آتی ہے کہ پی جائیں یہ دریا لوگو

کِتنی اِس شہر کے سَخیوں کی سُنی تھیں باتیں
ہم جو آئے تو کِسی نے بھی نہ پُوچھا لوگو

اتفاقاً ہی سہی ، پر کوئی دَر تو کُھلتا
جِھلملاتا پسِ چلمن کوئی سایا لوگو

سب کے سب مست رہے اپنے نہاں خانوں میں
کوئی کُچھ بات مُسافر کی بھی سُنتا لوگو

ہوں گے اِس شہر میں کُچھ اِس کے بھی پڑھنے والے
یُوں تو یہ شخص بھی مشہُور تھا خاصا لوگو

کِسی دامن ، کِسی آنچل کی ہَوا تو مِلتی
جب سرِ راہ یہ واماندہ گِرا تھا لوگو

ایک تصویر تھی کیا جانیئے کِس کی تصویر
نقش موہوم سے ،،، اور رَنگ اُڑا سا لوگو

ایک آواز تھی کیا جانیئے کِس کی یہ آواز
اُس نے آواز کا رِشتہ بھی نہ رکھا لوگو

کُچھ پتا اُس کا ہمیں ہو تو ،،، تمہیں بتائیں
کون گھر ،،، کون نگر ،،، کون محلہ ،،، لوگو

چند حُرفوں کا مُعَمَّہ تھا وُہ اُلجھا سُلجھا
اُس نے تو نام بھی پُورا نہ بتایا لوگو

ہائے یہ دَرد کہ مُشکل سے تھما تھا دِل میں
چاند پُونم کا ،،، ابھی سے نِکل آیا لوگو

پھر وُہی دَشت ، وُہی دَشت کی تنہائی ہے
وحشتِ دِل نے کہِیں کا بھی نہ رکّھا لوگو

اُس میں ہمت ہے تو دَر آئے ، اُٹھا دے یہ حِصار
اپنے گُنبد میں تو دَر ہے ، نہ دَریچہ لوگو

جی کی جی ہی میں رہِیں حسرتیں طوفانوں کی
یہ سفینہ تو ،،، کِنارے ہی پہ ڈُوبا لوگو

آج کی ڈاک سے کیا کوئی لفافہ آیا
کیسی سرگوشیاں کرتے ہو، اَرے کیا لوگو

کوئی پیغامِ زبانی بھی نہیں ، کُچھ بھی نہیں
ہم نے اپنے کو بہت دیر سنبھالا لوگو

بند آنکھیں ہُوئی جاتی ہیں پساریں پاؤں
نیند سی نیند ! ہمیں اب نہ اُٹھانا لوگو

ایک ہی شب ہے طویل، اِتنی طویل، اِتنی طویل
اَپنے ایّام میں ،،، امروز ، نہ فردا لوگو

اب کوئی آئے تو کہنا کہ،،، ”مُسافِر تو گیا“
یہ بھی کہنا کہ،،، ”بَھلا اَب بھی نہ جاتا لوگو“

راہ تکتے ہُوئے پتھرا سی گئی تھیں آنکھیں
آہ بَھرتے ہُوئے چَھلنی ہُوا سِینہ لوگو

ہونٹ جلتے تھے جو لیتا تھا کبھی آپ کا نام
اِس طرح اور کِسی کو نہ ستانا لوگو

ابنِ انشاؔ ¹⁹⁷⁸-¹⁹²⁷

فضا کو لگ گئی شائد تیرے آنے کی خبر ✌✌
ہمارے شہر میں اترا ہے کمال کا موسم 👈

*ہم سا سیاہ نصیب بھی ھو گا کوئی کہیں*
*اک شخص ہم سے دن کے اجالے میں کھو گیا*

آگر آپ سچے مسلمان ہیں تو فلسطین کے لئے اپنے گھروں سے باہر نکے اور ان کے لئے آواز بلند کرے تب تک کرے جب تک آزادی نہیں ملتی آپ کے مظلوم مسلمان بھائیوں کے ساتھ مل کر ان کی آزادی لڑتے رہے اور ان کو آزاد کر کے ہی دم لے ہمیں اس مشکل وقت میں آپنے مسلمان بھائیوں کے ساتھ دینا ہے اور ان کی آزادی میں اپنا کردار ادا کرنا ہے ایک مسلمان ہونے کی حیثیت سے یہ ہمارا فرض ہے کل محشر کے دن اللہ تعالیٰ ہم سب سے سوال پوچھے گا تو ہم کیا جواب دیں گے آگے بڑھے اسرائیل اور امریکہ کے ڑر سے آزاد ہو کر فلسطین کا ساتھ دے اور اپنے فرز کو پورا کرے

ذنین فاطمہ

کیسے ممکن کہ اُسے جاں کے برابر سمجھوں❣️
وہ میری جان سے بڑھ کر بھی تو ہو سکتا ہے😋🔥