Tk Toseeq Ahmed

چلاس: پہاڑ سے ملبہ گرنے سے متعدد گاڑیاں زد میں آگئیں

چلاس (نمائندہ خصوصی) — چلاس میں پہاڑ سے اچانک مٹی اور پتھروں کا تودہ گرنے سے کئی گاڑیاں ملبے کی زد میں آگئیں۔ عینی شاہدین کے مطابق حادثہ اُس وقت پیش آیا جب گاڑیاں شاہراہ قراقرم پر رواں دواں تھیں کہ اچانک پہاڑی تودہ نیچے آ گیا۔
ریسکیو ٹیموں نے موقع پر پہنچ کر امدادی کارروائیاں شروع کر دیں۔ ابتدائی اطلاعات کے مطابق بعض گاڑیوں کو شدید نقصان پہنچا ہے، تاہم جانی نقصان کی تصدیق تاحال نہیں ہو سکی۔ حکام نے علاقے میں ٹریفک کو عارضی طور پر معطل کر دیا ہے تاکہ صفائی اور امدادی کاموں میں آسانی ہو۔