Gbla 2

(پ-ر)
وزیر قانون، ایکسائز اینڈ ٹیکسیشن گلگت بلتستان سید سہیل عباس نے اپوزیشن لیڈر امجد ایڈوکیٹ کی حالیہ پریس کانفرنس میں صوبائی حکومت اور وزرا کے خلاف بچگانہ ، جھوٹے ، بے بنیاد اور غیر منطقی الزامات پر رد عمل کا اظہار کرتے ہوئے کہا ہے کہ امجد ایڈوکیٹ وفاق میں مسلط چوروں اور کرپٹ ٹولے کی ترجمانی کے بجائے گلگت بلتستان کے عوام کی حقیقی ترجمانی کریں۔ چوروں کے مسلط ٹولے نے ملک میں مہنگائی کا طوفان برپاکر کے لوگوں کے منہ سے نوالہ چھینا ہے۔
گلگت بلتستان میں گندم، بجلی بحران و زمینوں کے حوالے سے جن مسائل کی وجہ سے عوام سراپا احتجاج ہیں، ان مسائل کو پیدا کرنے کا بنیادی سہولت کار امجد ایڈوکیٹ ہیں
صوبائی وزیر نے کہا کہ پہلی دفعہ امت مسلمہ کو وہ قابل، جرات مند اور حقیقی لیڈر ملا ہے جس کاملک کی تعمیر و ترقی کے ویژن، جذبہ خدمت اور دوراندیشی کی دنیا معترف ہے اور ہمیں اپنے لیڈر پر فخر ہے۔ چئیرمین عمران خان گلگت بلتستان کو عالمی سطح پر گلگت بلتستان کو معاشی اور سیاحتی حب بنانے کے متمنی تھے، لیکن پی ڈی ایم کے کرپٹ ٹولے نے پاکستان کو معاشی دیوالیہ کرنے اور گلگت بلتستان کو پسماندہ اور مفلوج رکھنے کیلئے بیرونی طاقتوں کی آشیر باد سے منتخب حکومت کا تختہ الٹا۔
وزیر قانون نے مزید کہا کہ جھوٹ، مکر و فریب، سازش، نوسر بازی اور سہولت کاری کی سیاہ سیاست کرنے والے ہوائی اپوزیشن لیڈر امجد ایڈوکیٹ جس کی سربراہی میں پیپلز پارٹی نے بمشکل گلگت بلتستان میں دو سیٹیں حاصل کی ہیں۔ اب آئندہ الیکشن میں گلگت بلتستان سے مکمل صفایا کے خطرے سے بوکھلا گئے ہیں اور آئے روز ہوائی بیانات سے سیاسی طور پر زندہ رہنے کی ناکام کوشش کر رہے ہیں۔
انہوں نے مزید کہا کہ کسی زمانے میں روٹی ، کپڑا و مکان کا نعرہ لگانے والی پارٹی آج عوام کے منہ سے نوالہ چھیننے میں مقبول ہوتی جا رہی ہے اور اپوزیشن لیڈر ، وزیراعلیٰ خالد خورشید کی صوبائی اور ملکی سطح پر پذیرائی دیکھ کر اپنے ہوش کھو بیٹھا ہے۔
وزیر ایکسائز اینڈ ٹیکسیشن نے واشگاف الفاظ میں کہا ہے کہ وفاق پر مسلط امپورٹڈ حکومت نے گندم کوٹے میں تاخیر کرکے گلگت بلتستان کے عوام کو آٹے کے لیئے ترسایا۔ آج امجد ایڈوکیٹ بڑی بے شرمی کیساتھ کہہ رہا ہے کہ وفاق نے پورے 16 لاکھ بوری گندم ریلیز کرنے کی یقین دہانی کرائی ہے۔ یہ اعتراف جرم ہے کہ گندم بحران وفاق امپورٹڈ حکومت کا پیداکردہ ہے جس میں امجد ایڈوکیٹ نے کھل کر سہولت کاری کی ہے۔
صوبائی وزیر نے کہا کہ وزیراعلی خالد خورشید کے زیر قیادت گلگت بلتستان کے دیرینہ مسائل کے پائیدار حل کے لئے صوبائی حکومت کوشاں ہے اور صوبائی وزرا ٹھوس اقدامات اٹھا رہے ہیں۔مسائل کے حل نکلتے دیکھ کر ہوائی اپوزیشن لیڈر کو تکلیف ہورہی ہے اس لئے وزیر اعلی اور صوبائی حکومت کے حوالے سے بے بنیاد، بچگانہ اور جھوٹے بیانات دے رہا ہے ۔ پارٹی کا وجود تو حقیقی معنوں میں ختم ہوچکا ہے پریس کانفرنس کر کے اخباری بیانات میں زندہ رہنے کی ناکام کوشش جاری ہے۔
گلگت بلتستان کی تعمیر و ترقی سے اپوزیشن لیڈر کو خاص تکلیف ہے۔ ہر قدم جو گلگت بلتستان کی تعمیر و ترقی کے لئے اٹھایا جاتا ہے اپوزیشن لیڈر اس میں روڑے اٹکانے ہیں۔ سید سہیل عباس شاہ نے کہا ہے کہ اجکل اپوزیشن لیڈر جاگتے جاگتے بھی دو سیٹوں کے ساتھ وزیر اعلی بننے کے خواب دیکھتے ہیں اور یہ خواب زندگ بھر خواب ہی رہینگے کبھی شرمندہ تعبیر نہیں ہونگے۔جیو