Bol Gilgit Media Network

قائد ملت جعفعریہ جی بی آغا راحت حسین الحسینی کی اپیل پرپورا گلگت لبیک یاحسین کے نعروں سے گونج اٹھا

قائد GB آغا سید راحت حسین الحسینی نے اپنے ایک بیان میں برمس کے نوجوان فیصل عباس کے لاپتہ ہونے پر شدید تشویش کا اظہار کرتے ہوئے حکومت سے مطالبہ کیا کہ تمام لاپتا جوانوں کو فوراً بازیاب کیا جائے۔ اگر کسی پر الزام ہے تو اسے پولیس یا عدالت کے حوالے کیا جائے یوں غائب کر دینا انسانی حقوق اور آئین دونوں کی کھلی خلاف ورزی ہے۔ ملتِ جعفریہ گلگت بلتستان فیصل عباس کی فوری بازیابی کا مطالبہ کرتی ہے، بصورتِ دیگر اپنا پُرامن آئینی احتجاج ریکارڈ کرانے کا حق محفوظ رکھتی ہے۔

ترجمان قائد GB

Syed Rahat Hussain Al Hussaini

سپورٹس بورڈ گلگت بلتستان کا وضاحتی بیان

35 ویں نیشنل گیمز کے حوالے سے سوشل میڈیا پر پھیلنے والی غلط فہمیاں اور بے بنیاد الزامات کے جواب میں سپورٹس بورڈ گلگت بلتستان چند اہم نکات واضح کرنا چاہتا ہے:

1— 35 نیشنل گیمز کے لیے گلگت بلتستان کے کانٹیجنٹ کی تیاری سے قبل ڈائریکٹر سپورٹس بورڈ نے تمام متعلقہ صوبائی ایسوسی ایشنز کے ساتھ سپورٹس بورڈ دفتر میں باقاعدہ میٹنگ کی۔
2— میٹنگ میں ایسوسی ایشنز نے اپنی سفارشات پیش کیں، جن کی روشنی میں سلیکشن کا مکمل طریقہ کار طے کیا گیا۔
3— طے شدہ اصولوں کے مطابق ہیڈکوارٹر گلگت میں اوپن میرٹ ٹرائلز منعقد ہوئے، جن میں تمام کھلاڑیوں کو برابر موقع دیا گیا۔
4— سلیکشن کمیٹی نے مکمل شفافیت کے ساتھ مختلف کیٹگریز میں کھلاڑیوں کا انتخاب کیا، اور منتخب شدہ کھلاڑیوں کا ریکارڈ سپورٹس بورڈ کے پاس موجود ہے۔
5— انہی منتخب شدہ کھلاڑیوں نے کراچی میں منعقد ہونے والے 35 ویں نیشنل گیمز میں گلگت بلتستان کی نمائندگی کی۔ سلیکشن میں کسی قسم کی جانبداری یا من پسند فیصلہ شامل نہیں تھا۔

6— بعض ایسوسی ایشنز کے اندر انتخابات نہ ہونے اور ٹرائلز میں مخصوص گروہوں کی مداخلت کی وجہ سے ماضی میں مسائل پیدا ہوئے، مگر بعد میں بلاوجہ الزام سپورٹس بورڈ پر عائد کیا جاتا رہا۔ حقیقت یہ ہے کہ سلیکشن مکمل طور پر ایسوسی ایشنز کی دی گئی سفارشات کے مطابق ہوتا ہے۔
7— بغیر تحقیق کے لگائے گئے الزامات اور منفی پروپیگنڈا کھلاڑیوں کی محنت، ٹیم کے مورال اور صوبے کی ساکھ کو نقصان پہنچاتا ہے، جس کی ہم سختی سے تردید کرتے ہیں۔

سپورٹس بورڈ گلگت بلتستان ہر سطح پر شفافیت، میرٹ اور نوجوان کھلاڑیوں کی حوصلہ افزائی کے لیے پرعزم ہے، اور ہم کھیل کے فروغ کے لیے اپنا مثبت کردار ادا کرتے رہیں گے۔

گلگت صرف ایک جغرافیہ نہیں بلکہ ایک تہذیب ہے۔ یہ شہر صدیوں سے امن، شرافت اور محبت کی پہچان رہا ہے۔ گلگت کے لوگ اپنی مہمان نوازی، سادگی اور خلوص کے باعث پورے خطے میں مثال سمجھے جاتے ہیں۔ یہ وہ شہر ہے جہاں آنے والے اجنبی کو اپنوں سے بڑھ کر عزت ملتی ہے، جہاں دروازے ہر مہمان کے لیے کھلے ہیں اور دل ہر مسافر کے لیے کشادہ ہیں۔

کل کا سانحہ ایک تکلیف دہ اور افسوسناک واقعہ تھا۔ مگر افسوس اس بات کا ہے کہ اس دکھ کی گھڑی میں بھی بعض عناصر نے موقع غنیمت جان کر گلگت کے شریف النفس لوگوں کے خلاف انتہائی غلیظ اور نامناسب زبان استعمال کی۔ چند افراد کے اعمال کو بنیاد بنا کر ایک پورے شہر کی شرافت پر انگلی اٹھانا ظلم ہے، زیادتی ہے۔ گلگت والوں نے ہمیشہ آنے والوں کو سینے سے لگایا ہے، ان کے روزگار اور تعلیم کے مواقع فراہم کیے ہیں۔ ایسے لوگوں کے خلاف زبان درازی دراصل حقیقت سے انکار ہے۔

اصل مسئلہ یہ ہے کہ مضافاتی علاقوں سے آئے کئی بچے تعلیم یا روزگار کے بہانے گلگت میں مقیم ہیں۔ والدین سمجھتے ہیں کہ ان کا بچہ پڑھ رہا ہے، مگر وہ یہ نہیں دیکھتے کہ وہ کس ماحول میں ہے، کس طرح اپنے اخراجات پورے کر رہا ہے، اور کیسے مہنگے موبائل فون، موٹر سائیکل اور فیشن ایبل زندگی گزار رہا ہے۔ گھر سے بھیجی گئی ایک محدود رقم ان خواہشات کو پورا نہیں کر سکتی۔ یہ سوال والدین کو اپنے آپ سے کرنا چاہیے کہ بچہ یہ سب کیسے کر رہا ہے؟ اگر ان پر نظر رکھی جائے، اگر ان کی رہنمائی کی جائے تو معاشرے میں بگاڑ کم ہوگا۔

گلگت کے لوگ تو آج بھی اپنی مٹی کے امین ہیں۔ انہوں نے ہمیشہ آنے والوں کو سہولت دی، عزت دی، اپنے بازار اور گلیاں سب کے لیے کھول دیں۔ ایسے میں اگر کوئی ناخوشگوار واقعہ ہو تو اس کا بوجھ گلگت والوں پر ڈال دینا انصاف نہیں۔ یہ والدین، سرپرستوں اور اساتذہ کی ذمہ داری ہے کہ وہ اپنے بچوں کو غلط راستے پر جانے سے روکیں۔

گلگت ایک محبتوں کا شہر ہے، یہاں کے لوگ خلوص کے پیکر ہیں۔ ان کی شرافت اور قربانیوں کو الزام تراشی کے غبار میں چھپایا نہیں جا سکتا۔

میں گلگت کا بیٹا ہوں۔
میں گلگت کی گلیوں کا پروردہ ہوں۔
مجھے اپنے شہر کی مٹی پر فخر ہے، اس کے لوگوں کی شرافت پر ناز ہے۔

اگر آپ گلگت والوں کو برا کہتے ہیں تو گویا آپ شرافت کو برا کہہ رہے ہیں۔ اگر آپ گلگت والوں کی قربانیوں کو نظرانداز کرتے ہیں تو گویا آپ محبت کو نظرانداز کر رہے ہیں۔

گلگت والے آج بھی محبت کے ساتھ زندہ ہیں، اور ان کی آنکھوں میں آج بھی وہی روشنی ہے جو آنے والوں کے لیے امید بن جاتی ہے۔ آئیے، ہم سب مل کر اس شہر کے باسیوں کو ان کی شرافت اور خلوص پر شاباش دیں، انہیں گلے لگائیں اور کہیں:

افرین ہے گلگت کے لوگوں پر، افرین ہے ان کے صبر، ان کی محبت اور ان کی انسانیت پر۔