GHIZER TIMES

بشمول محکمہ پولیس، تمام محکموں میں بھرتیوں پر فوری اور مکمل پابندی عائد کر دی گئی ہے۔ یہ پابندی نئی اور جاری دونوں قسم کی بھرتیوں پر یکساں طور پر لاگو ہوگی۔ جاری بھرتیوں کو جس مرحلے پر بھی ہیں، وہیں معطل تصور کیا جائے گا۔ یہ پابندی عام انتخابات 2026 کے نتیجے میں نئی منتخب حکومت کے قیام تک برقرار رہے گی

منجانب
شبیر میر ، ترجمان وزیر اعلیٰ گلگت بلتستان
@

پاکستان مسلم لیگ ن خواتین ونگ کی سینیئر نائب صدر امنہ علی نے بھی اپنے حلقے سے کاغذات نامزدگی جمع کرا دئیے ۔۔۔۔۔

یاسین میں بہترین اپوزیشن کس نے کی۔
تحریر: ذیشان ساحل
اگر اس کا غیر جانبدار اور حقیقت پسندانہ جائزہ لیا جائے تو یہ بات واضح ہوتی ہے کہ اسلم انقلابی، شیر نادر شاہی اور گوہر ایڈووکیٹ نے اس عرصے میں نمایاں، جاندار اور مؤثر اپوزیشن کا کردار ادا کیا۔
خصوصی طور پر اسلم انقلابی اور شیر نادر شاہی نے اپنی سیاست کو صرف یاسین تک محدود نہیں رکھا بلکہ پورے گلگت بلتستان میں عوامی مسائل کو اجاگر کرتے ہوئے ایک مضبوط آواز بن کر ابھرے۔ انہوں نے ہر اُس معاملے پر کھل کر مؤقف اختیار کیا جہاں عوامی مفاد کو خطرات لاحق تھے، چاہے وہ گندم سبسڈی کا حساس مسئلہ ہو یا پہاڑی وسائل اور معدنیات پر عوام کے حق کی بات۔
اس کے ساتھ ساتھ شیر نادر شاہی اور اسلم انقلابی نے درکوت سے پھنڈر تک مختلف علاقوں کے لوگوں کو ایک پلیٹ فارم پر متحد کرنے میں بھی اہم کردار ادا کیا، جو کسی بھی سیاسی جدوجہد کی کامیابی کے لیے بنیادی حیثیت رکھتا ہے۔
ان رہنماؤں کی سیاست محض بیانات اور دعوؤں تک محدود نہیں رہی بلکہ انہوں نے عملی جدوجہد کو ترجیح دی۔ احتجاجی تحریکوں میں شرکت، عوامی حقوق کے لیے مسلسل آواز بلند کرنا اور ہر سطح پر مزاحمت کرنا ان کی سیاست کا نمایاں پہلو رہا۔
یہی نہیں بلکہ عوام کے حقوق کی خاطر انہوں نے قید و بند کی صعوبتیں بھی برداشت کیں، جو اس بات کا واضح ثبوت ہے کہ ان کی جدوجہد محض وقتی یا نمائشی نہیں بلکہ اصولی اور سنجیدہ تھی۔
گوہر ایڈووکیٹ نے بھی قانونی اور آئینی محاذ پر اپنا کردار ادا کرتے ہوئے عوامی مسائل کو اجاگر کیا اور ایک مضبوط اپوزیشن کی شکل دینے میں اپنا حصہ ڈالا۔
بلاشبہ، گزشتہ پانچ سالوں میں یہ شخصیات یاسین میں حقیقی اپوزیشن کی علامت بن کر سامنے آئیں، جنہوں نے نہ صرف عوامی مسائل کی نشاندہی کی بلکہ ان کے حل کے لیے عملی جدوجہد کی، اور یہی کسی بھی مؤثر اپوزیشن کی اصل پہچان ہوتی ہے۔