Chief Minister Gilgit-Baltistan

نگران وزیر اعلیٰ گلگت بلتستان جسٹس (ر) یار محمد نے کوئٹہ کینٹ شٹل ٹرین دھماکے کی شدید الفاظ میں مذمت کی ہے۔ اپنے ایک بیان میں انہوں نے اس واقعے کو دہشت گردوں کی بزدلانہ کارروائی قرار دیتے ہوئے کہا کہ دہشت گردی کی ایسی مذموم کارروائیوں کا مقصد ملک میں عدم استحکام پیدا کرنا ہے۔ انہوں نے عزم کا اظہار کیا کہ پاکستان کے غیور عوام اپنے اتحاد و اتفاق سے ملک دشمن عناصر کے مذموم عزائم کو ہمیشہ کی طرح ناکام بنائیں گے۔ نگران وزیر اعلیٰ نے حادثے میں شہید ہونے والے افراد کے بلند درجات اور زخمیوں کی جلد صحت یابی کے لیے دعا بھی فرمائی۔

نگران وزیر اعلیٰ گلگت بلتستان جسٹس (ر) یار محمد نے فورس کمانڈر ناردرن ایریاز (ایف سی این اے) میجر جنرل سید امتیاز حسین گیلانی سے ملاقات کی اور ان کی ساس کے انتقال پر تعزیت کا اظہار کیا۔ انہوں نے مرحومہ کی مغفرت اور بلندیِ درجات کے لیے دعا بھی کی۔