Muhammad Idrees

آج اپنے بزرگوں کے انتہائی قریبی اور محترم خادی لالا کی عیادت کے لیے حاضری ہوئی۔ انہیں دیکھ کر دل ایک عجیب سی کیفیت سے دوچار ہو گیا۔
سچ تو یہ ہے کہ ان کے چہرے کو دیکھ کر ہمیں اپنے وہ بزرگ یاد آگئے جو اب اس دنیاِ فانی میں نہیں رہے۔ ان کی شخصیت میں آج بھی وہی پرانی خوشبو اور اپنائیت محسوس ہوتی ہے۔ وہ دن یاد آگئے جب ہم بچے تھے اور خادی لالا اپنی بھرپور جوانی میں ہمارے بڑوں کی محفلوں کی رونق ہوا کرتے تھے۔ ان کا وہ پیار، شفقت اور ہمارے خاندان کے ساتھ وہ بے مثال محبت کا رشتہ آج بھی ذہن کے پردے پر نقش ہے۔
وقت کتنی تیزی سے گزر جاتا ہے؛ آج جب ہم اپنی جوانی کی منزلوں پر ہیں، تو وہ ضعیفی اور بیماری کی وجہ سے کافی نقاہت میں ہیں۔ انہیں اس حال میں دیکھ کر بچپن کی وہ تمام بہاریں یاد آ گئیں جو ان کی موجودگی سے وابستہ تھیں۔
اللہ تعالیٰ سے عاجزانہ دعا ہے کہ وہ خادی لالا پر اپنا خاص کرم فرمائے، انہیں ہر تکلیف سے نجات دے کر شفائے کاملہ و عاجلہ عطا فرمائے اور ان کا سایہ ہم پر سلامت رکھے۔
آمین یارب العالمین۔
آپ سب سے بھی ان کی صحت کے لیے خصوصی دعا کی درخواست