Faisal Medical Complex

باڑہ فیصل میڈیکل کمپلیکس میں عوام کو جدید طبی سہولیات، ماہر ڈاکٹرز اور صحت کارڈ پر علاج کی سہولت فراہم کی جا رہی ہے۔

آج خصوصی انٹرویو میں ریڈیالوجسٹ ڈاکٹر سید کفایت شاہ نے ایکسرے اور الٹراساؤنڈ کی اہمیت، جدید تشخیصی سہولیات اور مریضوں کو بروقت اور معیاری علاج کی فراہمی کے حوالے سے تفصیلی گفتگو کی، انٹرویو ملاحظہ فرمائیں 👇

باڑہ فیصل میڈیکل کمپلیکس میں ورلڈ ہیلتھ ڈے منایا گیا، کیک کاٹ کر تقریب کا اہتمام

فیصل میڈیکل کمپلیکس میں ورلڈ ہیلتھ ڈے کے موقع پر ایک سادہ مگر باوقار تقریب کا انعقاد کیا گیا، جس میں کیک کاٹا گیا اور صحت کی اہمیت کو اجاگر کیا گیا۔ تقریب میں ایم ایس ڈاکٹر مجیب آفریدی سمیت ہسپتال کے ڈاکٹرز، نرسز اور دیگر عملے نے شرکت کی۔
اس موقع پر ایم ایس ڈاکٹر مجیب آفریدی نے اپنے خیالات کا اظہار کرتے ہوئے کہا کہ ورلڈ ہیلتھ ڈے منانے کا مقصد عوام میں صحت کے حوالے سے آگاہی پیدا کرنا ہے۔ انہوں نے کہا کہ صحت مند معاشرہ ہی ترقی یافتہ قوم کی بنیاد ہوتا ہے، اور ہمیں چاہیے کہ ہم اپنی روزمرہ زندگی میں صحت بخش عادات کو اپنائیں۔
انہوں نے مزید کہا کہ حفظانِ صحت کے اصولوں پر عمل، متوازن غذا کا استعمال، باقاعدہ ورزش اور بروقت طبی معائنہ ایک صحت مند زندگی کے لیے نہایت ضروری ہیں۔ ڈاکٹر مجیب آفریدی نے ہسپتال کے عملے کی خدمات کو سراہتے ہوئے کہا کہ وہ عوام کو بہتر طبی سہولیات فراہم کرنے کے لیے بھرپور کردار ادا کر رہے ہیں۔
تقریب کے اختتام پر ملکی سلامتی اور عوام کی صحت کے لیے خصوصی دعا بھی کی گئی۔