Andleeb's thoughts
Share
جب باپ کا چہرہ مرجھانے لگے تو اپنی خواہشات کو دفن کر لینا چاہیے 🥺۔
ایک عید سے لے کر دوسری عید تک
سنبھالے ہوئے چمکیلے کپڑے
اکثر آپ کے قد سے کم پڑ جاتے ہیں
خواہشیں ، حسرتیں بن جایا کرتی ہیں
طلب، اکتاہٹ میں بدل جانے سے پہلے پوری ہو تو
اس کی شدت محسوس کی جاسکتی ہے!
کبھی کبھی گردوغبار میں بیمار ہونے کے ڈر سے
سانس روکنے والوں کو
خوشگوارموسم میں سانس لینے کی ساعت نصیب نہیں ہوتی
ہر وہ چیز جو بہتر وقت کے لیے سنبھالی جائے
اس وقت کے آنے پر اتنی ہی بے کار ہوتی ہے
جتنی آخری سانس پر کی جانے والی توبہ!
محبتوں کے لیے بہتر وقت متعین کرنے والے ذہین دلوں کو
جذباتی ذہنوں سے صلاح مشورہ کر لینا چاہیے
پھل، پھول اور جذبے
اپنا موسم اور ایک خاص مدت گزرنے کے بعد
سڑنے لگتے ہیں!
#>_Andleeb's_Thoughts 🍁
Click here to claim your Sponsored Listing.
