KA Barkada Studio

𝗕𝗔𝗚𝗢𝗡𝗚 𝗗𝗘𝗣𝗥𝗘𝗦𝗬𝗢𝗡, 𝗜𝗡𝗔𝗔𝗦𝗔𝗛𝗔𝗡𝗚 𝗣𝗔𝗣𝗔𝗦𝗢𝗞 𝗦𝗔 𝗣𝗔𝗥; 𝗠𝗔𝗔𝗥𝗜𝗡𝗚 𝗣𝗔𝗡𝗚𝗔𝗟𝗔𝗡𝗔𝗡𝗚 “𝗙𝗥𝗔𝗡𝗖𝗜𝗦𝗖𝗢”

Inihayag ng DOST-PAGASA na ang Tropical Depression na nasa 1,850 kilometro silangan ng Eastern Visayas ay inaasahang papasok sa Philippine Area of Responsibility (PAR) sa pagitan ng Hunyo 20 ng gabi at Hunyo 21 ng umaga.

Taglay nito ang hanging 55 km/h at pagbugsong hanggang 70 km/h. Posible itong maging tropical storm ngayong araw at umabot sa kategoryang bagyo pagsapit ng Linggo.

Sa oras na makapasok sa PAR, bibigyan ito ng lokal na pangalang “Francisco.” Ayon sa PAGASA, mababa pa ang posibilidad ng landfall at direktang epekto nito sa bansa sa susunod na tatlong araw.

Source: DOST-PAGASA Tropical Cyclone Advisory No. 2 (Hunyo 19, 2026)

𝗠𝗴𝗮 𝗡𝗮𝗻𝗴𝘂𝗻𝗮𝗻𝗴 𝗕𝗮𝗿𝗮𝗻𝗴𝗮𝘆 𝘀𝗮 𝗞𝗮𝗹𝗶𝗻𝗶𝘀𝗮𝗻 𝗮𝘁 𝗥𝗼𝗮𝗱 𝗖𝗹𝗲𝗮𝗿𝗶𝗻𝗴, 𝗞𝗶𝗻𝗶𝗹𝗮𝗹𝗮 𝗻𝗴 𝗗𝗜𝗟𝗚-𝗜𝗿𝗼𝘀𝗶𝗻

Nanguna ang Barangay Cogon sa Barangay Road Clearing Operations (BarCo) Assessment para sa unang kwarter ng 2026 sa Irosin matapos makapagtala ng 94.49 puntos.

Narito ang Top 5 barangay sa BarCo Assessment:

🥇 Cogon – 94.49 puntos
🥈 Carriedo – 93.33 puntos
🥉 Tabon-Tabon – 90.78 puntos
🏅 Patag – 89.09 puntos
🏅 Cawayan – 88.78 puntos

Kinilala rin sa Barangay at Kalinisan Day (BARKADA) Assessment ang mga barangay na nagpamalas ng kahusayan sa pagpapatupad ng clean-up activities at pagpapanatili ng kalinisan at kaayusan sa kanilang komunidad.

Ayon sa DILG-Irosin, patuloy na hinihikayat ang mga barangay na paigtingin ang mga programa para sa kalinisan, kaayusan, at mabuting pamamahala upang mapanatiling ligtas at maayos ang mga komunidad.

𝗦𝗢𝗨𝗥𝗖𝗘:
DILG-Irosin page