Siocon News Ug Updates

"𝗚𝗢𝗟𝗘𝗢 𝗲𝗚𝗕𝗨 𝗙𝗔𝗥𝗠𝗘𝗥𝗦 𝗔𝗦𝗦𝗢𝗖𝗜𝗔𝗧𝗜𝗢𝗡 𝗡𝗔𝗞𝗔𝗧𝗜𝗚𝗢𝗠 𝗡𝗔 𝗢𝗚 𝗣𝟮𝟬𝟬,𝟬𝟬𝟬.𝟬𝟬 𝗞𝗔𝗣𝗜𝗡 𝗦𝗔 𝗜𝗟𝗔𝗡𝗚 𝗔𝗕𝗢𝗧 𝗦𝗔 𝗨𝗠𝗔𝗛𝗔𝗡

GOLEO, SINDANGAN--- Bisan pa sa kakulian ang nahibalag sa mga miembro sa Goleo eGBU Farmers Association sukad sa ilang pagtikad sa ilang umahan, wala gihapon sila mawad-i ug paglaum sa ilang nasugdan nga 6, 000 sq. meters nga luna alang sa ilang pagpanguma.

Sugod niadtong unang semana sa Oktubre, ka siyam (9) na sila nakaharvest sa ilang kamatisan.

Niadtong nakalabay’ng semana, gikataho nga mi-harvest sila og kapin 1,200 kilos nga kamatis.

Ang ilang asosasyon, nakalikom na karon og PhP207,143,.00 diin gikalipay kini sa mga miembro tungod kay wala nila damha nga moabot ang ilang kita sa maong kantidad.

Tungod niini, ila pang palugwayan o dugangan ang ilang umahan og usa ka hektarya diha sa kasikbit nga luna nga ilang gitikad nga pagatamnan gihapon og kamatis ug dugangan usab nila og atsal.

Matud pa ni Gng. Helen M. Muñez, ang presidente sa maong asosasyon nga “ang iyang mga miembro nadasig gayud pag-ayo tungod kay ilang nakita nga aduna gyud diay kwarta sa pagpanguma basta lang ubanan sa kadasig ug kakugi diha sa ilang pagtikad”.

Dugang pa niya nga “iya gayud nga ipaabot ang ilang dakong pasalamat ngadto kang Gob. Berto Uy ug kang Nanay Belen Uy nga maoy nagmugna niining eGBU tungod kay kini nakahatag ug dugang kapanginabuhian alang sa mga katawhan sa tibook lalawigan sa Zamboanga del Norte.

Sa pakighinabi usab ni Saher Hamoc, ang Community Organizer sa Lungsod sa Sindangan nga maoy naghupot usab sa mga eGBU association sa Sindangan nga aduna na usab silay plano nga dugangan pa nila sa pagtukod ug laing mga eGBU mini market aron sila maka-display usab sa ilang abot ug mahatagan usab ug giya ug makakat-on ang mga mag-uuma sa pagnegosyo pinaagi sa pagbaligya sa ilang mga abot. (Photo credits: Dremad Saher Abed Kamil-Hussen)"

Via: Provincial Information Center -Zamboanga del Norte