Bataraza Arabic Learning Center - BALC
Share
الحمد لله رب العالمين
Sa biyaya at pahintulot ni Allah, nagtipon-tipon ang ating mga butihing asātidh sa diwa ng pagkakaisa, dedikasyon, at taos-pusong hangarin na mapaglingkuran ang Deen, bilang paghahanda sa nalalapit na pagbubukas ng BALCI. Ang pagtitipong ito ay sumasalamin sa kanilang taimtim na layunin na maitaguyod ang isang institusyong magsisilbing ilaw ng kaalaman at gabay ng komunidad.
Sa naturang pagpupulong, masusing tinalakay ang iba’t ibang mahahalagang usapin—mula sa organisasyon ng kurikulum, kaayusan ng pasilidad, sistema ng pagtuturo, hanggang sa kapakanan ng mga mag-aaral—upang matiyak ang isang maayos, organisado, at makabuluhang pagsisimula. Ang bawat mungkahi at pagpapasya ay isinagawa nang may pag-iingat at pananagutan, alang-alang sa ikabubuti ng lahat.
Higit sa lahat, ang pagtitipong ito ay naging paalala ng kahalagahan ng sama-samang pagkilos sa landas ng kabutihan at kaalaman. Nawa’y tanggapin ni Allah ang kanilang mga pagsisikap, pagpalain ang bawat hakbang, at gawing matagumpay ang adhikaing ito sa pagpapalaganap ng kapaki-pakinabang na kaalaman para sa kasalukuyan at sa mga darating pang henerasyon.
06/05/2026
📢 ANUNSYO 📢
Assalamu ‘alaykum wa rahmatullahi wa barakatuh!
Inaanyayahan po ang lahat ng mga Ustadh at mga magulang na makiisa sa gaganaping:
🧹 BRIGADA ESKWELA (Madrasah Cleaning Activity)
📍 Lugar: BALCI Compound 📅 Petsa: Mayo 8, 2026 ⏰ Oras: 1:30 PM – 5:00 PM
Layunin ng gawaing ito ang paglilinis at paghahanda ng ating Madrasah upang maging maayos, malinis, at kaaya-aya para sa ating mga mag-aaral.
Ang inyong pakikiisa ay malaking tulong upang mapanatili ang kalinisan at kaayusan ng ating paaralan. Magdala po ng mga kagamitan sa paglilinis kung maaari (walis, basahan, dustpan,martilyo,lagari atbp.).
📌 “Ang kalinisan ay bahagi ng pananampalataya.”
Maraming salamat at nawa’y pagpalain tayo ni Allah sa ating pagtutulungan.
JAZAKAMULLAH KHAIRAN🤲
02/05/2025
Nagkaroon ng pauna at ikalawang pagtitipon ang mga pamunuan ng BALCI upang pag-usapan ang mga gagawing paghahanda para sa nalalapit na pagbubukas muli ng nasabing Madrasah— samantala bukas naman ay inaasahang sisimulan na ang prepiratory class na kung saan tuturuan muna ang mga Estudyante ng mga basic knowledge about Islam bilang paghahanda para sa Regular Class na inaasahang magsisimula sa ikahuling linggo ng Mayo Inshaa'allah.
📌 Karagdagang impormasyon:
➡️Ang enrollment period ng ating Madrasah ay magtatagal lamang hanggang sa katapusan ng Buwan ng Mayo— ang sinuman pong hindi nakapag-enroll bago ang deadline ay hindi na po tatanggapin ng Madrasah ang kanyang pag-enroll, kaya't samantalahin po natin ang mga natitirang araw na maari pa po tayong mag enroll.
➡️Minumungkahi po sa lahat ng mga nais mag-enroll na sila po'y magdala ng 2x2 I.D picture, Folder, at Birth Certificate.
Para sa karagdagang detalye, mangyaring pumunta lamang po sa aming Madrasah Inshaa'allah.
MARAMING SALAMAT PO, BARAKAKALLAHU FEEKUM.
Click here to claim your Sponsored Listing.
Category
Website
Address
Palawan
Opening Hours
| Saturday | 7:30am - 4pm |
| Sunday | 7:30am - 4pm |
