break Time Tv.

Dedesisyonan na ng Department of Public Works and Highways (DPWH) sa Hulyo ang magiging kapalaran ng P7.95-bilyong panukalang pagtatayo ng tulay sa Boracay.

Base sa report, nakikipagtulungan ang DPWH sa pamahalaang panlalawigan ng Aklan sa pagkuha ng kinakailangang pag-apruba para sa pagbuo ng Boracay Bridge Project ng San Miguel Corp. (SMC).

Ayon kay Public Works Secretary Manuel Bonoan, ang proyekto ay dapat na awtorisado muna ng mga local leaders bago ito buksan ng DPWH para sa mga comparative proposals.

"I think we are in the process of finalizing with the local government. Actually, the plan of SMC to build a Boracay bridge was already given initial approval."

Dagdag pa niya, "However, before we subject it to a Swiss challenge, we want to find out first whether the project is endorsed by local government units. Our program is that after the election, we have to finalize the arrangement with the LGUs."

Pagtitibayin din aniya ng DPWH ang mga susunod na hakbang para sa proyekto sa Hulyo upang mabigyan ng sapat na panahon ang SMC na tugunan ang mga isyung iniharap ng mga stakeholder.

Para sa SMC, ang pagtatayo ng Boracay Bridge mula sa Caticlan papunta sa Isla ng Boracay ay magpapaganda sa daloy ng kalakalan at paglalakbay sa isla.

Batay sa inisyal na disenyo, ang Boracay Bridge ay aabot ng 2.54 kilometro, kung saan ang 1.14 kilometro ay limited-access segment.

via: PhilStar

Tama na Ang init ng ulo sa streets.tara!palamig tayo dito sa beach.

゚