AGOS

Ito na ang huling bahagi, ngunit muling magdaragdag ng sapat na kaalaman.

Sa kasalukuyang panahon na ating nararamdaman, tiyak na inyong iisipin na ito ay dapat hindi muna dapat pag-usapan. Ngunit, ang mga ganitong bagay o impormasyon ba ay dapat lang na maitaon sa panahon ng tag-ulan o pag-baha? Kung ito pa rin ang iyong alam o pananaw, dapat mo na itong tapusin, ka-AGOS.

Para sa huling impormasyong ito na hatid ng AGOS, naway magsilbing paalala ito sa bawat residente ng Barangay Sto. Niño 2nd na ang kahandaan at pagkakaroon ng kaalaman patungkol dito ay hindi lamang dapat itaon sa panahon, bagkus dapat sa pang araw-araw dahil tiyak na ang mga kaalaman o impormasyong ito ang magsasalba sa atin sa kapahamakan.

Muli, sabay na maki-AGOS tungo sa isang mas ligtas, handa, at payapang komunidad!

Ito ang AGOS na nagpapaalala, ang kaligtasan at kahandaan ay nagsisimula sa ating mga sarili.

Maraming salamat, ka-AGOS!

Isinulat ni Nickole Alonzo
Isinianyo nina Keizha Pascual at Nickole Alonzo

𝐆𝐚𝐛𝐚𝐲 𝐬𝐚 𝐋𝐢𝐠𝐭𝐚𝐬 𝐧𝐚 𝐏𝐚𝐠𝐥𝐢𝐤𝐚𝐬

Sa panahon ng sakuna tulad ng pagbaha, napakahalaga ng maagap at organisadong paglikas upang masiguro ang kaligtasan ng bawat isa. Upang magabayan ang komunidad ay mahalaga ang paggamit ng evacuation map na nagpapakita ng mga ligtas na ruta at mga itinalagang evacuation centers.

Sa pamamagitan nito, mas napapadali ang pagdedesisyon kung saan at paano lilikas ang mga residente, lalo na sa oras ng emergency. Nakakatulong din ito upang maiwasan ang kalituhan at mabawasan ang panganib sa daan. Ang pagkakaroon ng kaalaman at paghahanda ay susi sa mas ligtas at mas maayos na paglikas.

Source: Brgy. Sto Nino 2nd San Jose City, Nueva Ecija

Isinulat ni Jamela Ramos
Isinianyo ni Maxine Galvan

AGOS NG PAGKATUTO | 08

“Pangangalaga”

Mga ka-AGOS, mahalagahg tandaan na ang kaligtasan ng bawat isa at nagsisimula sa pagkakaroon ny tamang kaalaman at kahandaan upang maiwasan ang kapahamakan. Sa panahon ng sakuna tulad ng pagbaha, mahalagahg alam ng bawat residente na ang pagkakaroon ng malasakit sa ating kapaligiran ay nagsisilbi nating proteksyon sa ano mang sakuna na dulot ng pagbaha.

Sa ating ikahulint episode sa Floodline Radio Talk na pinamagatanf "Sama-samang Pagbangon Pagkatapos ng Baha" ating pinag-usapan ang kahalagahan ng ating partisipasyon bilang mamamayan upang mapanatili anf kaligtasan ng ating komunidad sa panahon ng pagbaha. Sa gabay ng ating butihung Resource Speaker na nagmula sa saknong ng College of Science at sa kanilang mga programang nagpapatupad ng kaayusan at kalinisan ng kapaligiran ay mas nagiging habda ang mga residente sa mga possibleng panganib na dulot ng pagbaha.

Tandaan mga ka-AGOS, ang sapat na kaalaman at maagang paghahanda ay mahalagang sandata upang maiwasan ang mas malaking pinsala at mapanatili ang kaligtasan ng bawat isa. Sa pamamagitan ng pagiging handa at pagkakaroon ng disiplina at malasakit aynagiging gabay natin ito tungo sa ligtas na pamayanan.

👍 Sang-ayon Ako
❤️ Makabuluhan
😄 Aliw Pero May Aral
😮 May Bagong Pananaw?
😥 Masakit Pero Totoo
😡 Hindi Ako Sang-ayon!

Maraming Salamat, Ka-AGOS!

𝐓𝐞𝐤𝐧𝐨𝐥𝐨𝐡𝐢𝐲𝐚𝐧𝐠 𝐋𝐚𝐛𝐚𝐧 𝐬𝐚 𝐁𝐚𝐡𝐚 𝐚𝐭 𝐏𝐨𝐥𝐮𝐬𝐲𝐨𝐧

Kapag dumarami ang basura, lalo na sa mga daluyan ng tubig, tumataas ang panganib ng pagbaha at paglala ng polusyon sa kapaligiran. Kaya mahalaga ang paggamit ng mga makabagong teknolohiya na makatutulong sa paglilinis ng ating mga daluyan ng tubig.

Isa ang automated trash rake na maaring maging solusyon upang maiwasan ang pagbaha. Tumutulong ito sa awtomatikong pagkuha ng mga basurang naiipon sa tubig upang maiwasan ang pagbabara na nagiging sanhi ng pagbaha.

Source: DOST Regional Office No. IX https://www.facebook.com/share/p/18EN9niZdM/

Isinulat ni Jamela Ramos
Isinianyo ni Nickole Alonzo

𝐄𝐏𝐈𝐒𝐎𝐃𝐄 𝟖 𝐍𝐀 𝐁𝐔𝐊𝐀𝐒, 𝐊𝐀-𝐀𝐆𝐎𝐒!

Mga ka-AGOS, handa na ba kayong muling bumangon matapos ang pinsalang dulot ng baha? Alam niyo na ba ang mga hakbang upang makabangon at makapagsimula muli ang ating komunidad?

Sa “Sama-samang Pagbangon Pagkatapos ng Baha,” tatalakayin natin ang kahalagahan ng pagtutulungan at tamang hakbang sa pagbangon matapos ang sakuna. Dahil sa sama-samang pagkilos, mas napapadali ang paghilom at pagbangon ng bawat isa.

Kaya samahan sina Host Cee at Host Jam kasama ang ating espesyal na Resource Speaker sa isang makabuluhan at napapanahong talakayan tungo sa mas matatag at handang komunidad!

🗓️ March 18, 2026 (Miyerkules)
⏱️ 10:30-11:00 AM
📻 Live sa Radyo CLSU

Tandaan, ka-AGOS, sa bawat pagsubok ay may pagbangon kaya sabay-sabay tayong Aangat nang may sapat na Gabay at Oras tungo sa isang komunidad na nagtutulungan sa pagSagip sa kapwa!

𝐀𝐧𝐠𝐚𝐭, 𝐆𝐚𝐛𝐚𝐲, 𝐎𝐫𝐚𝐬, 𝐚𝐭 𝐒𝐚𝐠𝐢𝐩

𝐇𝐚𝐥𝐢𝐧𝐚'𝐭 𝐦𝐚𝐤𝐢-𝐢𝐬𝐚 𝐬𝐚 𝐩𝐚𝐠𝐥𝐢𝐥𝐢𝐧𝐢𝐬 𝐧𝐠 𝐤𝐚𝐩𝐚𝐥𝐢𝐠𝐢𝐫𝐚𝐧!

Malaking tulong ang pagsasagawa ng linguhang clean-up drive sa iba't ibang Barangay ng ating komunidad upang mapanatili ang kalinisan at kaayusan. Kaya halinat maki isa at sama-samang alisin ang mga basura sa ating kapaligiran upang maiwasan ang mga problemang dulot nito kagaya ng pagbaha sa ating paligid.

Ang pakikilahok sa mga gawaing pangkomunidad ay isang malaking hakbang upang mapanatili ang kalinisan, kaligtasan, at maayos na pamantasan. Kaya halina't maki-isa, makibahagi ng pagbabago. Sama-sama nating panatilihing malinis at maayos ang ating paligid.

Source: DILG National Capital Region https://ncr.dilg.gov.ph/barkada-program-launched-to-push-community-based-cleanup-drives/

Isinulat at Isinianyo nina Cyrene Agustin at Nickole Alonzo

𝐋𝐢𝐠𝐭𝐚𝐬 𝐓𝐈𝐏𝐒 𝐩𝐚𝐫𝐚 𝐬𝐚 𝐚𝐥𝐚𝐠𝐚𝐧𝐠 𝐡𝐚𝐲𝐨𝐩

Kapag dumarating ang malalakas na bagyo, hindi lamang kaligtasan ng tao ang dapat isipin kundi pati na rin ang kapakanan ng ating mga alagang hayop. Tulad ng tao, sila rin ay nangangailangan ng paghahanda upang manatiling ligtas sa gitna ng sakuna.

Sa pamamagitan ng pagkakaroon ng kaalaman, maiiwasan ang panganib at masisiguro na sila ay ligtas sa oras ng kalamidad.

Kaya ating alamin ang mga dapat gawin upang maprotektahan ang ating mga alagang hayop.

Source: Pangasinan PDRRMO https://www.facebook.com/share/1D28GtsZSu/?mibextid=wwXIfr

Isinulat at Isinianyo nina Jamela Ramos at Keizha Pascual

AGOS NG PAGKATUTO | 07

Mga ka-AGOS, mahalagang tandaan na ang kaligtasan ng bawat isa ay nagsisimula sa tamang kaalaman at kahandaan. Sa panahon ng sakuna tulad ng pagbaha at malalakas na bagyo, napakahalaga na alam ng bawat residente kung ano ang mga dapat gawin upang maprotektahan ang kanilang sarili, pamilya, at komunidad.

Sa ating ikapitong episode na pinamagatang “Agos ng Kahandaan: Gabay sa Ligtas na Pamayanan,” ating tinalakay ang mahahalagang gabay upang mapanatili ang kaligtasan ng komunidad sa panahon ng sakuna. Sa tulong ng mga impormasyon at programa mula sa City Disaster Risk Reduction and Management Office (CDRRMO), mas nagiging handa ang mga residente sa mga posibleng panganib na dulot ng pagbaha.

Tandaan mga ka-AGOS, ang sapat na kaalaman at maagang paghahanda ay mahalagang sandata upang maiwasan ang mas malaking pinsala at mapanatili ang kaligtasan ng bawat isa. Sa pamamagitan ng pagiging handa nagiging gabay natin ito tungo sa ligtas na pamayanan.

👍 Sang-ayon Ako
❤️ Makabuluhan
😄 Aliw Pero May Aral
😮 May Bagong Pananaw?
😥 Masakit Pero Totoo
😡 Hindi Ako Sang-ayon!

Maraming Salamat, Ka-AGOS!

𝐄𝐏𝐈𝐒𝐎𝐃𝐄 7 𝐍𝐀 𝐁𝐔𝐊𝐀𝐒, 𝐊𝐀-𝐀𝐆𝐎𝐒!

Mga ka-AGOS, gaano nga ba tayo kahanda kapag may paparating na sakuna tulad ng baha at bagyo? Alam mo ba ang mga hakbang na dapat gawin upang mapanatiling ligtas ang ating sarili, pamilya, at komunidad?

Sa “Agos ng Kahandaan: Gabay sa Ligtas na Pamayanan,” tatalakayin natin ang kahalagahan ng tamang kaalaman at paghahanda sa panahon ng sakuna. Dahil ang isang komunidad na handa ay komunidad na ligtas.

Kaya samahan sina Host Mylene at Host Keizha kasama ang ating espesyal na Resource Speaker mula sa CDRRMO, Ma'am Sheridan Lindain, sa isang makabuluhan at napapanahong talakayan para sa isang mas handa at ligtas na pamayanan!

🗓️ March 11, 2026 (Miyerkules)
⏱️ 10:30-11:00 AM
📻 Live sa Radyo CLSU

Tandaan, ka-AGOS, sabay-sabay tayong Aangat nang may sapat na Gabay at Oras tungo sa isang komunidad na handang Sumagip sa oras ng panganib!

𝐀𝐧𝐠𝐚𝐭, 𝐆𝐚𝐛𝐚𝐲, 𝐎𝐫𝐚𝐬, 𝐚𝐭 𝐒𝐚𝐠𝐢𝐩