Kimoks

Natapos na rin ang burador ng komiks #1 , kwento, sasabihin ng bawat karakter , salitang biswal upang magsalawaran sa bawat kahon ng kung anong magaganap sa bawat tagpo. Kaso nga lang wala akong kakayahan sa pagguhit 😀😁😅.

Ka Andres

Nakita ko siyang manindigan kasama ng libong Pilipino laban sa korapsyon! Taas kamao Tarantadong Kalbo !

DARAHUG Ang Mananabang ng Sta Maria - Kael Molo

Naka-atang sa mananabang ang buhay
Nang isasalba,isasakripisyo at iaalay
Alang-alang sa kapanatagan
at di-paghele sa pananamantala

Ang pag-aalay ng pintig sa sinapupunan
ay pilit-hugot na magluluwal ng kanyang hustisya
Hindi na sa bigat ng nagdadalang tao
Kundi ang gaan na kikintal sa di-paglaki nito.

Mabigat ang istoryang ito , titigil ka panandalian, hihinga ng malalim, iispin ang mga tanong at maghahati-hati. Hinihimay ang ano?, bakit?, saan? kailan?, paano?.

Mas abante pa ang paglilitis sa primitibo at pyudal na kalagayan kaysa sa sinasabing abanteng batas na di pantay at mabagal na pagresolba.

Kung gagawan ito ng short film (pagtingin ko lang) talagang aabangan . Pero nasa komiks na at hindi na mawawala sa isip ang istoryang ito. Mabuhay ka manlilikha ng obrang ito!

BAYAN NG MGA DAKILA 01

Eksena ito na may bidang sumusulpot sa panahon ng digmaan, pinakilala sa gitna ng kilusan at kayang magbigay atas sa kanyang tropa.

Moderno na ang labanan para makita ang wasak na kalagayan ng Pinas.

At talagang may nakasanayan na ang Pinoy na tawag o bansag sa ibang lahi. Çh3kW@! 🙂

Kung ano ugat ng labanan at paglitaw ng bida? Baka kailangan pang bumili ng mga kasunod na komiks.

Mabuhay Bayan ng mga Dakila!
Shonenbat Collective

SIKAMI - Pangalatoons

Para kang nanonood ng kartuns sa telebisyon na de-pihit sa byaheng Dagupan to Manila , storya ng pag-asawa, ang hugot bida karakter , ang ugnayan ng bata sa manika 🤔 at ang kwentong lovelife goodsh*t sa eksena ng labanan -pwede kang kiligin 🙂

May mga pabitin na drawing dahil sa husay ng likha, na iisipin mo may kwento sa susunod na pahina ayun pala tipo at pwedeng pabalat sa komiks.

Ayus, salamat sa inyo (ang dami niyo😅) at dagdag na naman sa koleksyon ko ito.

Komiks - Ipe-Nuts 3 by Phillip Cruz

Kung bakit Ipe-Nuts? , hindi ko din alam.
Binili ko siya dahil nag-iisa na lang sa estante. Kung anuman ang kasiyahan na bumabalot dito, babasahi't namnamin ko na lang.

Pero ang tanong ko , hhmmm, paano kung naglakbay ang bida sa komiks na ito , para gumawa ng sarili niyang kapangyarihan na lalakas at maglulunas. Pero hindi sa kanya napupunta kundi sa mismo niyang kalaban. Makakahanap kaya siya ng paraan para mapasakamay niya ang bawat kapangyarihan na nakukuha niya sa bawat paglalakbay. ?

Hindi ko din alam, baka binili ko lang ito para namnamin at basahin dahil nag-iisa na lang siya sa estante.

Beer at komiks