Abu Rayhan

SO KAPKHAPAYAG O DUSA

Pitharo o Nabi (saw):
"ما من قوم يعمل فيهم بالمعاصي هم أعز منهم وأمنع لا يغيرون إلا عمهم الله بعقاب." [رواه أبو داود وابن ماجه وأحمد، وحسنه الألباني].

Maana: "Da a pagtao a nggalbkn so kambaradusa ko sharonsarongan iran a siran na mga ala i khagaga a diso gii mbaradusa na di iran pagalinn (di iran ishapar) inonta na rangkomn siran o Allah a siksa". [Pitharo i Al Banie: Mapiya a Hadith].

Pitharo pn o Nabi (saw):
"إذا ظهرت المعاصي في أمتي عمهم الله عز وجل بعذاب من عنده. فقلت: يا رسول الله، أما فيهم يومئذ أناس صالحون؟ قال: بلى." [رواه أحمد، وصححه الألباني].

Maana: "Amay ka marinayag so kambaradusa sii ko umat akn na rangkomn siran dn o Allah a siksa a phoon sa tangan yan", na pitharo (i Ummo Salamah ra): Hay Rasulallah ba dadn a mga bara-amal kiran sa angkanan a masa? Na tigyan: "Knaba da". [Pitharo k Al Banie: Mabagr a Hadith].

Giyayadn a mambbtad tano aya, sharonsarongan dn a gii kandusa so kadaklan, matakapala dn a gii kapamankhaw o mga datu, matakapala dn a kapphanalimbot o pagtao, so kashina na inipagambog.

Na odi sapar so mga tao a sasarigan o Allah ko agama niyan na rangkomn yan siran dn a siksa.

Knaba di khadusa so tao, ugaid na mbida so sasapngan a go so inipagandisan a inipananalo sa kaingdan a aya maana o lalag na kataya kami man a gii kami mbaradusa!

Go mbida so miyaribat na mshndit go mimbago, go so pananamaran yan so langon a karibatan, thawbat tano ko Allah.

Gini toos o kapaka b'nar o Hadith o rasullah S.a.w !
_a aya dadakl sa naraka jahannam na siran so manga BAE!
ilayangka mambo sa masa imanto! Kadaklan ko manga BAE na sii miyataman sa tiktok! ipipikilay iran e KATAED iran sa tiktok ,udibo mafitnah so pakailayron a mama na mala dn anan a dusa adi Irela o Allah ! adn p'n a katoonon kiran sa tiktok adi mamag-live a adn a kausap iranon a mama!
Na so mambo so pag like ko manga video iran na pkadusa sabap sa supportado siran mambo ko Kadustaan iran!
tabiyah knaba akn aya di tharowa ka knaba adn a paka aatodan aknon! aya usto na pakatadmn tano a ginawa tano!
Ska bae na panamaring ka e dika mibilang ko manga BAE a kaulog sa naraka jahannam!
Dika pkisowasowa sa manga bae/raga anan a patiktok ka daa siran pn snupa a sabot!
Maana miyataman siran ko babaya ko matag sagad a dunya!